Kalaallit Nuaanni ikiueqqaarneq

Kalaallit Røde Korsiat aqqutigalugu ikiueqqaarnermik pikkorissarit inuunermillu annaassinissamik ilinniaarit

 

Aqqusinermi angallannermi ajutoortunik naammattoorsiguit qanoq iliussavit, imaluunniit qitornat ajoquserujussuarpat?
Ikinngutit suleqatilluunniit uummamminik unittoorluni uppippat qanoq iliussavit?

Taamak pisoqartillugu eqqarsarnissamut piffissaqanngilaq. Sekundimik ataatsimilluunniit maangaannartitsoqartussaanngilaq, aammalu eqqortumik aalajangiinissaq pisariaqarluni – ingerlaannaq.

Pisut ajornartoorfiusut ajutoornerillu qanoq iliorfigissanerisi pillugit atuagarsornikkut passussinikkullu ataatsimoorlusi linniartinneqassaasi, taamaalillusi isumannaatsumik pilertortumillu iliuuseqapallassinnaaqqullusi, suleqat assersuutigalugu uummamminik unittoorluni uppippat uummarsartariaqarlunilu.

 

KRK-p ikiueqqaarnermi pikkorissaaneri pillugit

Ilitsersuisut: Ilitsersuisut tamarmik ilisimasatigut ilinniartitseriaatsikkullu KRK-mit ilinniartinneqarnikuupputy. Ilinniartitaaneq Dansk Førstehjælpsråd-imit (Danskit Ikiueqqaarneq pillugu siunnersuisoqatigiivi).

Pikkorissarnermut uppernarsaat: Pikkorissareernermi peqataasut uppernarsaammik tunineqartarput, Dansk Førstehjælpsrådimit akuerisaasumik. Uppernarsaat digitaliuvoq (qarasaasiakkut) ukiullu marluk qaangiukkaangata nutarterneqartassalluni.

Ini pikkorissarfik: Pikkorissarnermik inniminniisup ini piukkunnartoq atukkiuttarpaa, tassani nerriveqarluni issiaveqarlunilu aammalu nateqartumik sungiusarfiusinnaasumik. Aammattaaq inniminniisup pikkorissarnerup nalaani sutugassat isumagissavai.

Atortut: KRK-p pikkorissarnermut atortussat pikkorissarneq aallartitsinnagu nassiutissavai.

Oqaatsit: Ikiueqqaarnermi pikkorissarnerit kalaallisut qallunaatullu ingerlannissaannut periarfissaqarpugut.

Ikiueqqaarnermut pikkorissarnissamut KRK-mit neqeroorummik pisussaaffittaqanngitsumik piniarit.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP