jft
Jens Thorin

edvard nielsen hj
Edvard Nielsen

Ukiup ikiueqqaartua

 

Ukiup ikiueqqaartuanut 2014 toqqagaanerup oqaasertaiUkioq manna ukiup ikiueqqaartuatut 2014-mi nersornaasiinissami inuit marluk ukiup ikiuillammaatut nersornaasigaasut tassaapput politiassistent Jens Thorinimut, Narsaq kiisalu Edvard Nielsen, Qaarsut

Jens Thorin suliffinngeqarnermi nalaani tikeraarsimaarluni Julip 27-ani paasitinneqarpoq umiatsiaq inunnik arfinilinnik issimasoqarluni umiiarsimasoq.Edvard Nielsenip umiatsiani politiinut atukkiuppaa, taakkulu angutit marluullutik ajunaalersunik annaassiniarput. Jens Thorinip Edvard Nielsenillu arnat utoqqasaat marluk niviarsiararlu qulaaluanik ukiulik toqungasoq imaaniik qaqippaat, niviarsiararlu uummarsarlugu annaassissutaasumik ikueqqaarnermik ingerlatsinikkut.

 

Ikiueqqaarnermut ataatsimiititaliami ilaasortat naliliipput:

Nalornerianngiivillutik iliuuseqarasuarsimapput.

Ikiueqqaarnermi pisussat pingaarnerit sisamat piviusunngortinneqarsimapput.

Annaassissutaasumik ikiueqqaarisoqarsimavoq, annaassinermik kingunilimmik.

Angalaqataat pingasut alianaqisumik umiiarnermi ajunaarput, annaassiniaasoqarsimanngikkaluarpat suli umiunermi ajunaartut amerlanerusimassagaluarput, ikiueqqaartut eqqissisimallutik tamanik isiginnillutik pisimanngikkaluarpata, suliassaminnik avitseqatigiillutik, ikiuisussanik aggersaallutik tulleriissaarinerminnilu pingaarutilimmi annaassissutaasumik ikiueqqaarinnillutik eqqortumik tulleriiaarisimanngikkaluarpata.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

2014-mi “Ikiueqqaallammammik” toqqaanermi oqalugiaat

 

toves%20tale%20hjNuannaarutigaara ukiumanna Kalaallit Røde Kors-iata ikiueqqaallammammik oqaluttuarisinnaagakku kikkut toqqagaasimanersut saqqummiussinnaagakkit.
Marluupput tassaallutit ; Politiassistent Jens Thorin aamma Edward W J Nielsen, marluullutik angallateeqqaminnik annaassiniarnermi annaasinermilu ikiuutaalluarsimapput Uummannami sapaammi 27. Juli 2014-mi .

Oqaaseq “ oqaluttuarisinnaagakkit “ pissutaavoq toqqarneqartut tamarmik ilaanngimmata sinerissamilu
assigiinngitsuni najugaqarlutik

Jens Thorin Narsami najugaqarpoq. Edward Nilsen Qaarsuni.

Marluullutik nersornaat 5000 kr.-nik imaliit nunaqarfimminni pissarsiariumaarpaat.

Kalaallit Nunatsinni pinngortitaq tikilluinnarlugu inuuvugut.
Nunattalu silaatta pissusaa pisulluni asimi inuunniarnerput piarinaartorineq pisuulluni navianartorsiortilersinnaavarput .
Ilaannikullu piffissaq sivikitsuinnaq piffissaralugu annanniarnissarput periarfissaqatarluta.
Immikkoorluinnartuuvoq soorlu imaannut nakkarneq ipinissap saniatigut timip nillertipallassinnaannera toqumik kinguneqartumik.

Juulip 27.-ani angallateeraq 6-nik inuttaqarluni ajunaarpoq.

Politeeq Jens Thorin pigaartuusoq pulaartilluni ajunaarnermik kalerrinneqarpoq. Edward Nielsen amma pulaaqataasoq,qinnuvigineqarpoq angallatini atorteqqullugu,marluullutillu ajunaarfimmut sukkanerpaamik aallarsimallutik. Ajunaarfimmut apuukkamik paasivaat angallatip avataanni inuit 6-at puttasut.
Jens Thorinip angallatit annaasiniaqataasunut takkussortunut tulleriiaarinermut aaqissuivoq.
Thorin Nielsennillu utoqqasaat marluk qaqippaat aappaa toqoreersimasoq.
Tassani annaasiniarnerminni aamma takuaat niviarsiaraq 9-nik ukiuluk puttasoq niaqua immap ataaniitoq.Nielsen-ip angallataannut qaqippaat anersaartunngitsoq,sukkanerpaamillu inuunera annaanniarlugu ikiueqqaarneq aallartissimallugu.

Annaasiniarneq 3-5 minutsit ingerlatereerlugu iluatsitsipput, niviarsiaraq meriarpoq anersaartoqqilerlunilu.
Taasuma kingorna annaaneqartut Uummannap napparsimaviliaaneqarnissaat Thorin-ip aaqissuupaa takkussornikut ikiortigalugit.Napparsimmavillu qaqugu tikinnissaminnik nalunaarfigalugu suleqatinilu aqqersarlugit.
Angallammiituni arfiniliusunit pingasut ajunaarput. 9-nik ukiulik annattunut ilaavoq.

Politimesteri ima allappoq: ( Issuaaneq allartippoq )
“Uvanga paasisakka malillugit, Thorin amma Nielsenillu ikioqatigiinermikkut ajunaarsimasut pingasut annanneqarnerannut ajunaarsimasullu pingasut qaqinneqarnerannut peqqutaaluarsimapput.”

“Niviarsiaqqamullu ikiueqqanertigut annaasinerat nersortariaqarluni.”
Politimesterip oqaasii isumaqatigaavut.

Ikiueqqaaeneq isumaqarpoq tassa ajutoorsimasumut ikiueqqaarneq siulleq.ajutoornerni amerlanerpaanni minutsit siulliit ikiuinissamut pingaaruteqaqaat.
Ikiueqqaarnissamut ilinniarsimaneq,soorlu uani pisumi,pingaaruteqaqaaq.Tassami kingunissarimmagu inuuneq toquluunniit.
Taasuma takutilluarpaa qanoq pisariaqartigisoq ikiueqqaarnermut ilinniarsimanerup qanoq pingaaruteqassusia.
Pingaartuuvoq inuit amerlanersaat ikiueqqaarnermik ilinniartinnissaat.

 

Tamattaq ikiueqqaarneq ilinniarsinnaavarput.

Kalaallit Røde Kors-iat ilinniarnermik tamanut periarfissiivoq pikkorissarnernut neqerooruteqarluni.

Meeqqanut inersimasunullu atortussanik saqqumersitsinikuuvoq.

Kalaallit Røde Kors-iat ikiueqqaarnermut ilinniartitsisunik sungiusaasarpoq.Aammalu isumagalugu pikkorissarnikut nutarterinernut sungiusaqqititarlugit.

diplom_2014_jens thorin_med billede copydiplom_2014_edvard_nielsen_med billede copyNuannarutigilluinnarparput Kalaallit Røde Kors-iata nersornaat Jens Thorinimut Edward Nielsen-imullu nassiussinnagatsigit sulipallassimanerannut inuillu pingasut 27.juli 2014 annaaneqarneranut .

Jens Thorin Edward Nielsen-illu maanni nersualaarneqarnerata nalaanni najugaqarfimminni nalliuttorsiorpalaartumik nersornaamik tunineqassapput.
Ileqqulersornermikkut ikiueqqaarnermut ilinniarsimanerup pingaaruteqassusiat takutippaat.

Maanngaaniit uummammik pisumik pilluaqquagut.

Kalaallit Røde Korsiat sinnerlugu

Tove Blidorf, Siulittaasoq