Ikiueqqaarnermut ilitsersuisoorusuppit?

 

Kalaallit Røde Korsianni ikiueqqaarnermut ilitsersuisunngorit
Kalaallit Røde Korsiat Nunatsinni ikiueqqaarnermik ilinniagaqarnermik 1993-imiilli kisiartaallu ilinniagaqartitsisartuuvoq.
Pineqartullu tassaapput ilinniagaqarnermi atortut inerisarneri, ikiueqqaarnermut ilitsersuisunik ilinniagaqartitsinerit, aammalu najugarisani nunamilu tamarmi ikiueqqaarnermik pikkorissartitsinerit ilitsersorlugillu ingerlanneqarneri.

 

Nunatsinni ikiueqqaarnermut ilitsersuisutut ilinniagaq nutaaq
Ilitsersuisartunik ilinniagaqartitsinerit pillugit 2010-mi Dansk Røde Korsip, Dansk Førstehjælpsrådip aamma KRK-p akornanni suleqatigiinneq aallartippoq. Maannakkut sisamaannik Dansk Førstehjælpsrådip piumasaqaataanut aammalu ilitsersuisutut ilinniagarisamut najoqqutassanut naapertuuttunik Kalaallit Røde Korsiat ilitsersuisutut pikkorissartitsinermik neqerooruteqarpoq.

Ikiueqqaarnermik ilitsersuisartutut ilinniagaqarisaq tassaavoq piginnaaneqalersitsisutut ilinniagaq
Ikiueqqaarnermik ilitsersuisutut ikiueqqaarneq pillugu ilisimasassat nutarsartuarnissaat aammalu ukiut tallimakkaarlugit ”ilitsersuisunut taamaaginnartitsinissami” peqataasarnissaq piumasaqaataapput.

 

Kalaallit Røde Korsianni / Dansk Røde Korsimi ilitsersuisutut makku pisassaraatit:
internetimik tunngaveqartumik nittartakkamut isertarfik, paasissutissanik makkuninnga pissarsiaqarfissaajuartoq:
• najoqqutassiat kingulliit nutaat
• ilinniagaqarnermut atugassiat nutaat
• ilitsersuisunik allanik oqaloqateqarnissamut periarfissaq
• ilinniaqqinnissamut neqeroorutit

 

Ilitsersuisutut ilinniagaqarneq:
Ilitsersuisutut ilinniagarneq tassaavoq Nuummi ingerlanneqartutut pikkorissartitsineq nal. ak. 80-inik sivisussusilik
Pikkorissartitsineq avataanit censorilerluni soraarummeernermik naggaserneqassaaq.
Pikkorissarnerup aallartinnera sioqqulluarlugu pikkorissarnissamut atortut aammalu allattariarsorluni suliassaq, pikkorissarnerup aallartinnginnerani suliarisassaq nassiunneqassapput.
Suliassaq suliarineqanngitsoorpat pikkorissartitsinermi peqataasinnaannginnermik kinguneqassaaq.
Pikkorissartitsinermi peqataasussat tamarmik pikkorissartitsinermi sammisassanut naleqqiullugu atuagarsorlutillu suliaqarnermikkut piareersarsimanissaat naatsorsuutigineqarput.
Imatut paasillugu pikkorissartitsinermi atortussat nassiussat suliarineqarlutillu paasineqarsimassallutik.

 

Pikkorissartitsinerup imarisai:
• Uummammik-puannik annaassiniarneq / ERC-mi tunngavigisat
• ABC-mik tunngavigisat najoqqutaralugit ilanngullugillu Issittumi ikiueqqaarineq
• Ilinniartitseriaatsimi tunngavigisat
• Anatomiimik aamma fysiologiimik ilisimasassat
• Ilitsersuisutut pikkorissartuuneq
• Allattariarsorluni suliaqartitaanermillu misilitsinnermik naggaserneqassaaq
• Misilitsinnerit avataanit censoreqarluni pissapput

 

Pikkorissarneq
Ilitsersuinermik pikkorissartitsineq pissaaq Nuummi ull.  1. – 12 aprili 2019
Sapaat ilinniartitsiviunngilaq, suliassiissutilli suliarinissaannut piffissap atornissaa naatsorsuutigisariaqarpoq.

Ilinniartitsinermi atortussiat qallunaatut aamma kalaallisut pigineqarput

 

Aningaasartai:
Pikkorissartitsinermut akitsuut pikkorissartitsinerup aallartinnera sioqqullugu akiligassaq tassaavoq 22.000 kr. Pikkorissartitsinermut ilaalernissaq unioqquttussaanngilaq.
Pikkorissartitsinermut akitsuutit pikkorissartitsinermi atortussanik, ilinniartitaanermik, aammalu pikkorissarnerup nalaani nerisaqarnermut matussusiipput.

Angalanermut aamma najugaqarnermut aningaasartuutit, aammalu najugaqarnerup nalaani ullormusiat peqataasut / sulisitsisup akilissavai.
Peqatasut pikkorissarnerup nalaani najugaqarnissaminnik namminneq isumaginnissapput.

 

Peqataanissammut tunngavigisat:
Makku piumasaqaataapput:
• 21-nik ukioqalersimassaatit
• ukiut marluk kingulliit iluini akuerisamik ikiueqqaarnermik pikkorissartitsineq naammassisimassavat (Ikiueqqaarsinnaanermut uppernarsaatip assinga ilanngutissaaq)
• inersimasunik ilinniartitsinermik misilittagaqassaatit (PG imaluunniit ilinniartitseriaaseqarnermik ilinniagaq alla, soorlu ilinniartitsisutut, pædagogitut, inuussutissarsiutinik ilinniarfimmi faginik ilinniartitsisoq, politii, sakkutooq, mittarfeqarfimmeersoq, upalungaarsimanermik aqutsisoqarfik il.il.)
• ilinniagaqarnermi timersorluni ilaanik ingerlatsinissamut timikkut piginnaaneqassaatit.

Ikiueqqaarnermut ataatsimiititaliap siulittaasua najoqqutassiat aalajangersakkat aallaavigalugit immikkut akuersissuteqarsinnaavoq.

Qinnuteqaammut immersugassaq Instruktørkursus 2019 – kal

 

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP