Pikkorisaneq Tarnikkut ikiueqqaarneq ilitsersuisoq

Siunertaq

Pikkorissarnermi siunertaavoq peqataasut ilisimasaqalerlutillu, piginnaasaqalerlutillu ima isiginneriaaseqalernissaat suleqatit inersimasut uippakajaarnermik (stress) sakkortuumillu nalaataqarnerup kingunerisaanik qisuariaateqartunik ilitsersuisinnaanngortillugit.

Anguniakkat

Ilinniarnerup naanerani peqataasut annertusisamik ukunatigut ilisimasaqalissapput:

  • Uippakajaarneq (stress) sakkortuumillu nalaataqarnermut teorii pillugu tunngaviusumik ilisimasaqalerneq
  • Uippakajaarnermik (stress) aamma sakkortuumik nalaataqarnermi timimut sunniutaasartut
  • Inuit sakkortuumik nalaataqarsimasut oqaloqatiginerini ileqqorissaarnissami tunngaviit

Aammalu annertusisamik paasisimasaqarfilersimallugit:

  • Sakkortuumik nalaataqarnerup imarisai ingerlaneralu
  • Allanut innersuussinissamut pisariaqartitsineq

Peqataasut tamatuma kingorna Uippakajaartoqartillugu (stress) aamma sakkortuumik nalaataqartoqartillugu oqaloqatigiinnermik ingerlatsisinnaanngussapput taassumalu (oqaloqatiginninnerup) ingerlannissaa ilinniartitsissutigisinnaanngorsimassallugu.

Piffissaritaasoq:

Pikkorissarneq ulluni 4-ni ullormut nal. ak. 8-t pikkorissarnermik inniminniisoq ingerlatsisussarlu isumaqatigiissuteqartoqarneratigut ingerlanneqassaaq.

Peqataanissamut piumasaqaatit:

Sakkortuumik uippakajaarnermillu (stress) nalaataqarnermi teoriimik tunngaviusumik ilisimasaqarneq aammalu suliffik aqqutigalugu taakkuninnga misilittagaqarneq (assersuutigalugu sygeplejerske, isumaginninnermi siunnersorti, perorsaasoq, qatserisartoq, portøri annaassiniartartoq ass.)

 

Pikkorissarnermi pikkorissartut amerlassusaat: 12-14

Pikkorissarneq misilitsinnermik naggaserneqassaaq. Uppernarsaammik tunniussisoqassaaq.

 

Aningaasartuutinut tunngasut

Pikkorissarneq kr. 14.000-inik akeqarpoq pikkorissarnermi atortut sutukkallu ilanngullugit.

Pikkorissartut ataasiukkaat imlt. sulisitsisup angalaneq unnuinerillu akilissavaat.

 

Pikkorissaasut:

Erni Kristiansen, tarnikkut ikiueqqaarnermi ilitsersuisoq ilitsersuisunngornianullu sungiusaasartoq

Helene Kreutzmann, tarnikkut ikiueqqaarnermi ilitsersuisoq aamma isumaginninnermi siunnersorti

Pikkorissarneq kalaallisut ingerlanneqassaaq

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP