Ikiueqqaarnermi pikkorissarnerit 2018

Januar 2016 aallarnerfigalugu KRK Røde Kors Førstehjælp (Røde Kors-ikkoorlugu Ikiueqqaarneq) suleqatigalugu pikkorissarnerit nutaamik aaqqissuutissavai.

Atuunnermi ilinniartitaanerit aalajangersimasumik imallit

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Tunngaviusumik ilinniartitaanerit

Suliffeqarfiup pisariaqartitaanut naleqquttunngorlugu pikkorissarneq katiteruk:

Tunngaviusumik ilinniartitaanernut ilassutissat

Nappaateqartuni ikiueqqaarneq - Nal. ak. 1,5

Siunertaq
Peqataasoq tassanngaannaq nalaataqartoqartillugu napparsimalernermut tunngatillugu naliliisinnaalerlunilu naleqquttumik ikiueqqaarsinnaalissaaq napparsimalerninni qanimanartorsiorfiusuni inuunermillu ulorianartorsiuffiusuni.

 

Imai

Nappaatini sianiuteqarfinnik qitiusunik sunniisunik ikiueqqaarneq

  • Qaratsami taqqanik milikartoorneq/aanaartoorneq
  • Sukkorneq
  • Noqarneq/epilepsi
  • Kissarneqapiloornermi noqarnerit

 

Nappaatini anersaartorfinnik sunniisunik ikiueqqaarneq

  • Anernikilliorneq (astma),
  • Sulluaqqanik iluarsisinnaanngitsumik aseruuttoorneq (kronisk bronkitis, KOL),
  • Quersoqqajaaneq (falsk strubehoste)
  • Sapigaqarnermi sakkortuumik sunnertinneq

 

Nappaatini aap kaaviaarfiinik sunniisuni ikiueqqaarneq

  • Uummammi taqqakkut milikartoorneq/uummatip qilusoornera
  • Nappaatit tassanngaannaq nasserititsisut
  • Ilisimajunnaatsiarneq imermillu amigaateqarneq
Aanaartitsisoqartillugu ikiueqqaarneq - Nal. ak. 1,5

Siunertaq
Annikitsumik annertuumillu anaartitsisoqartillugu naliliisinnaalerlunilu naleqquttumik ikiueqqaarsinnaalissaaq. Taassuma saniatigut ilukkut anaartitsisoqarsimassangatitsinermi naleqquttumik ikiueqqaarsinnaalersimassaaq.

 

Imai

  • Sakkortuumik aanaartitsisoqartillugu ikiueqqaarneq
  • Sakkortunngitsunik ersittunik aanaartitsisoqartillugu ikiueqqaarneq
  • Ilukkut aanaartitsisoqartillugu ikiueqqaarneq
  • Anaartitsisoqartillugu aap kaaviaarfiata ajalusuunnginnissaa pillugu pinaveersaartitsineq
Ajoquserneeqqanik ikiueqqaarneq - Nal. ak. 1,5

Siunertaq
Peqataasoq ajoquserneeqqanut, tassungalu atatillugu uumasuutinit ajoquserneqarnerit, avataaneersut ammimiittuni, siutiniittuni, sorlunniittuni isiniittunilu, kigutit ajoqusernerini, qinngakkut aannermi, uutiternerni neriortinnernilu annikinnerusuni, niaqqukkut ajoqusernerni, kilernerni annikinnerusuni amiialakatsiternernilu naliliisinnaanngorlunilu naleqquttumik ikiueqqaarsinnaalissaaq.

 

Imai

  • Uumasut naasullu peqqutigalugit ajoquserneeqqanik ikiueqqaarneq
  • Avataaneersut ammimiittuni, siutiniittuni, sorlunniittuni isiniittunilu ikiueqqaarneq
  • Kigutit ajoqusernerini ikiueqqaarneq
  • Qinngakkut aannermi ikiueqqaarneq
  • Uutiternerni neriortinnernilu annikinnerusuni ikiueqqaarneq
  • Kapitinnerni, (ipittumik) kilernerni, pingutsinnermi (anaatinnermi/kallunnermi), kilernerni annikinnerusuni amiialakatsiternermilu ikiueqqaarneq
Aalanermut atortuni ajutoornerni ikiueqqaarneq - Nal. ak. 1,5

Siunertaq
Peqataasoq aalanermut atortuni niaqqullu ajutoornerni tulluartumik iliusseqarsinnaalissaaq.

 

Imai

Aalanermut atortuni ajutoornerni ikiueqqaarneq

  • Saanernik napisinerit
  • Naggussanik illikartoornerit (pilluttoornerit)
  • Pilluttooraluarnerit
  • Quttoqqap saarnanik aamma/imaluunniit kuutsernik napisoornerit

 

Niaqqukkut ajoqusertoqarnerani ikiueqqaarneq

  • Qaratsamik sajuppillatsitsinerit
  • Qaratsap puuata ammasumik matoqqasumillu ajoqusernera
  • Qaratsap qaratsallu puuata akornani anaarneq
Ajoqusernerni (kissamik nillimillu sunnertinnerit) ikiueqqaarneq - Nal. ak. 1

Siunertaq
Peqataasoq ikiueqqaarnermi pisussat pingaarnerit 4-t aallaavigalugit iliuuseqarsinnaalissaaq aammalu inummut kissamik nillimilluunniit sunnerneqarsimasumut, amiinnaa imaluunniit timaa tamarmi sunnerneqarsimanersoq apeqqutaatinnagu, naleqquttumik ikiueqqaarsinnaalissaaq.

 

Imai

  • Kiammik iluaallerneq
  • Uunerni uutiternernilu ikiueqqaarneq
  • Qerunnerni ikiueqqaarneq
  • Timip nillortoornerani ikiueqqaarneq
Toqunartoqalernermi ikiueqqaarneq (uumaatsunik sunnerneqarneq) - Nal. ak. 0,5

Siunertaq
Peqataasoq ikiueqqaarnermi pisussat pingaarnerit 4-t aallaavigalugit iliuuseqarsinnaalissaaq ikiueqqaarnerup pisariaqartinneqarnerani neriortinnerni toqunartoqalernermilu ammmi timillu iluani.

 

Imai

  • Toqunartoqalernissamik pinaveersaartitsineq, meeqqat inuusuttullu eqqarsaatiginerullugit
  • Toqunartoqalersimasunik eqqumasunik ikiueqqaarneq
  • Toqunartoqalersimasunik ilisimanngitsunik ikiueqqaarneq
  • Timip qaavatigut (ammikkut) aammalu ilukkut (iggissakkut) neriortinnermi ikiueqqaarneq
Meeqqanik ikiueqqaarneq pitsaaliuinerlu - Nal. ak. 1,5

Siunertaq

Peqataasoq meeqqani ajoqusertoqartillugu ajutoortoqartillugulu tulluartumik iliuuseqarsinnaalerlunilu ikiueqqaarsinnaalissaaq aammalu ulluinnarni ajoqusertoqarsinnaaneranik pinaveersaartitsinermik periarfissanik ilisimasaqalersimassaaq.

 

Imai

  • Ajoquserneeqqanik, kigginnissamik, kilernissamik, nakkarnissamik il. il. pinaveersaartitsineq
  • Imerpalasumik uunermut, uutiternernut neriortinnermut ikiueqqaarneq pinaveersaartitsinerlu
  • Meeqqat napparsimalertillugit ikiueqqaarneq, amma qiminnermi/qimiuteqarnermi ikiueqqaarneq pinaveersaartitsinerlu
  • Anersaartorfinnik milissutaasunik tupissuteqarnermi ikiueqqaarneq pinaveersaartitsinerlu

Nutarsaalluni ilinniartitaanerit

Tarnikkut ikiueqqaarneq