Maannakkorpiaq 5-nik pulaartartoqarpugut, kisiannili immikkoortortamut Medicinsk Afdelingimut pulaartartussatut pisariaqartitagut suli amerlanerullutik. Tassunga 7. februar 2017-miit pulaartitsisalissamaarpugut. Peqqissartut inissiaat aamma tapitartuuniarneqarpoq, tamatumani apeqqutaalluni pulaartarniarlutik nalunaartut qanoq amerlatigissanersut.

Manna tikillugu Medicinsk Afd-mut marlunngornermi sisamanngornermilu nal. 19-20-miit taamatullu arfininngornermi nal. 14-15 pulaartitsisoqartarpoq.

Pulaartartut allat nuannersumik suleqatigisinnaasarnissaat naatsorsuutigaarput, taakkua ilitsersuutissavaatsit, saniatigullu ikiueqqaarnermut tarnikkullu nappaatilinnik ikiueqqaarnissamut pikkorissarneqassallutit.

Soqutiginnikkuit annertunerusumik sunngiffimmi pulaartartunik aqutsisoq Margrethe Kruse, mobil 289246, email: mku@banknordik.gl imal. kruse@greennet.gl aqqutigalugit paasiniaasinnaavutit. Aamma periarfissaqarputit KRK-mut oqarasuaat 321800 imal. email krk@krk.gl aqqutigalugit saaffiginnissuteqarnissamut.