Kalaallit Røde Korsianut tikilluarit…

 

Røde Korsi tassaavoq silarsuarmi inunnik ikiuiniarnikkut kattuffiit annersaat

  • Ulluinnarnilu ajunaarnersuaqarfinnilu ikiuiniartarpugut. Ikiueqqarinninnissamut karseeqqaniik nassatarisartakkaniik nunarsuup illua´tungaani sorsuffinnut ingerlasunik.
  • Røde Korsip qiterpiaani nunani 189´ni 17 millionit sinnillit kajumissusertik tunngavigalugu sullissisut qitiullutik inissisimapput. Qallunaat-Nunaannaa eqqarsaatigigaanni tassani 25.000´t kajumissutsimikkut sullissisuupput.
  • Røde Korsip ukiuni 150´ni kingullerni oqaluttuassartaa aallaavigigaanni tunuliaqutaq taannaajuaannarsimavoq. Inunnik ikiueqqaarinnittarpugut sumiuuneri, immikkut inuiaassusaat, sumik upperisaqartuuneri apeqqutaatinngilluinnarlugit.
  • Kattuffiuvugut sumulluunniit attuumassuteqarata inunnik ikiortarialinnik sanngiilliuutilinnik ikiuerusussuseq taamaallaat pigalutigu.

Kalaallit Røde Kors´at Qallunaat-Nunaanni Røde Korsip ataani inissisimagaluarluni namminersortuuvoq 2008´miillu aningaasaqarnikkut namminiilernikuulluni. KRK Nuummi qullersaqarfeqarlunilu aqutsiveqarpoq kiisalu Qaqortumi, Nuummi, Maniitsumi, Sisimiuni kiisalu Ilulissani immikkoortortaqarluni. KRK´mi kajumissutsimikkut sulisut ataatsimut oqaatigissagaanni amerlanerit atornikuerniarfinni pulaartartoqarnerullu iluani sullissisuunerupput.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

KRK´p Qallunaallu-Nunaanni Røde Korsi suleqatigiinnissamik nutaamik isumaqatigiissusiorput

Siulittaasut Qallunaat-Nunaanni Røde Korsiat ataatsimeeqatigiinneranni, Kalaallit Qallunaat-Nunaatalu Røde Korsiisa suleqatigiinnissaannik atsioqatigiittoqarsimavoq.

Suleqatigiinnissamik isumaqatigiissusiaq 2010-mili atuutereersumut ilassutaaginnarpoq.

Saniatigut KRK´mi immikkoortortaqarfinniik kajuminnertik tunngavigalugu sullissisartut Qallunaat-Nunaaliartinneqassammata Røde Korsimi piginnaanngorsariartorlutik, angalanertaannaa akileralugu.

Taamaalilluta ulluinnarni allaffeqarfimmi sulinitsinnut nunalu tamakkerlugu siulersuisunut isumalerujussuuvoq KRK´p Røde Korsillu imminnut taamannak qanitsigalutik suleqatigiinnerat, Qallunaat-Nunaanni Røde Korsip soqutiginninnera nersuiniartarneralu amerlasuutigut malugisaratsigu.

Assimi takusinnaavarsi:Anders Ladekarl, generalsekretæri, Hanna Line Jakobsen,præsidenti,Røde Kors, Tove Blidorf-ilu, KRK siulitaasoq

Se samarbejdsaftalen her