KRK´mi sammisartakkat

Kalaallit Røde Korsiat (KRK) Qallunaat-Nunaanni Røde Korsip ataani inissisimagaluarluni namminersortuuvoq 2008´miilli aningaasaqarnermiguttaaq namminersorpoq.

KRK´mi sammisartakkatigut kattuffinnut aaliangersimasunut sumulluunniit attaveqanngitsunik sammisassaqartitsisarpoq kajumissutsimikkut sullisserussuttunik sulisoqarluni soorlu kattuffiup atornikuerniarfiutaanni, immikkoortortaqarfinni inunnut sammisassaqartitsivinni, aasaanerani meeqqanik tammaarsimaartitsinerni kiisalu napparsimavinni pulaartartoqarnikkut allarnisaanerni.

KRK´mi niuernikkut isertitaqaataanerparpaavoq ikiueqqaarnermik pikkorissaatitsisarnigut. KRK oqaatsit marlussuit atorlugit qallunaatut kalaallisullu ikiueqqaarinnittarneq pillugu saqqummersitaqartarpoq Røde Kors Ikiueqqaartarneq suleqatigalugu.

Røde Kors´imi ikiueqqaarinninnerup allaaserineqarnerani takukkit saqqummersinneqarsimasut suuneri. Pikkorissaatitsinikkut Immikkoortortaqarfipput assigiinngitsunik piffissalikkanik suliffeqarfinnut, paaqqinnittarfinnut ilinniartitsivinnullu neqerooruteqartarput ikiueqqaarnermik

Ikiueqqaarinnittarnermut atortussiat sorliit naqitanngortinneqarsimanersut misissukkit.
Pikkorissaasarnertigut immikkoortortaqarfipput suliffeqarfinnut, atorfeqarfinnut ilinniarfinnullu neqerooruteqartarpoq ikiueqqaarnermut tunngassutilinnik assigiinngitsunik piffissalikkanik ingerlatsisinnaallutik. Ukioq allortarlugu akunnernik 80-nik sivisussusilikkamik ikiueqqaarnermut ilinniartitsisussanik pikkorissaatitsisoqartarpoq.

KRK´mi ilinniartitsisarneq nunarsuaq tamakkerlugu atugassiatut akuerisaanikuuvoq taamaalilluni nunatta avataani aamma allagartaq pigiligaq atuussinnaalluni. 2011-miik katillutik akuerisamik, inuit 60-t ilinniartitsisinnaanngorlutik, allagartartaarnikuusimalerput.

Ilinniartitsisinnaasunik pikkorissaaneq alla akunnernik 24´nik sivisussusilikkamik ingerlanneqartartoq, tapiutitut ingerlattagarput tassaavoq: Tarnikkut ikiueqqaarsinnaalersutut allagartartaarneq.

Ikiueqqaarnerup pingaassusaa KRK´mit naqissuserniarneqartarpoq ukiut tamaasa Ukiup Ikiueqqaartutsialaanik ileqqunnguuttumik nersornaasiisarnermigut. Taanna nersuiniarneq inummut ataatsimut arlalinnulluunniit tunniunneqarsinnaasarpoq, inunnut inoqatiminnik annaassissutaasumik ikiueqqaarnikkut ingerlatsisimasunut. Nersornaasiineq aningaasartaligaasarpoq.

Atornikuerniarfinni isertitaniik pikkorissaatitsinernilu iluanaarutiniik aningaasat isertut atorlugit, nunarsuarmi namminerlu nunatta iluani ajunaarnersuaqarfinnut , tapiissuteqartarpugut.