Akiliisarlutit ilaasortanngorit

Uku toqqarsinnaavatit

Uani kajumissutsinnik sulisunngorit

Kalaallit Røde Korsiannut ilaasortanngorit !

 

Røde Korsimut ilaasortanngornissamut tunngavissat pitsaasut arfineq marluupput

Røde Korsip suliniutigisartagai suugaluartulluunniit tunngaviusunik najoqqutassaqarput, taakkualu arfineq marlunnut immikkoortortalersugaapput, tassaallutik:
1. Inooqataasutut misigisimaneq.
2. Illuatungeriit arlaannilluunniit illersugaqannginneq.
3. Illuatungeriit arlaannut pituttugaannginneq.
4. Kiffaanngissuseqarluni sullissineq.
5. Kajumissuseq tunngavigalugu sulineq.
6. Immikkoortortaqarneq.
7. Tamanut assigiimmik atugaqarfiusoq.

Ilaasortatut tapersersukkatit tassaapput:
Kalaallit Røde Korsianni ilaasortatut Røde Korsip suliniutai suulluunniit, illit nunagisanniippata nunarsuatsinni sumiikkaluarpataluunniit tapersersugaraatit. Kalaallit Røde Korsianni ilaasortaanikkuttaaq takutissavat Røde Korsip ikiuisarnermini tunngavisumik najoqqutassai ilinnorpiaq tunngatitaallutik atuutsinneqartut.

Ullut tamarluinnaasa Røde Korsi nunarsuatsinni sumiluunniit ikiuuttuartarpoq. Ikiuisarnermi tunngaviusumik najoqqutassat, soorlu; illuatungeriit arlaannilluunniit illersugaqannginneq imaluunniit illuatungeriit arlaannut pituttugaannginneq pissutaallutik nunarsuatsinni ikiorneqarnissamik pisariaqartitsilluinnartut sullinneqarnissaat qularnaarneqartarpoq.

Røde Korsip suliniutai suugaluartulluunniit arfineq marlunnik immikkoortortalersukkanik tunngaviusumik najoqqutassaqartussaapput.

Taakkualu atuuttussaapput nunarsuatsinni sumiluunniit ajunaarnersuaqarfimmiikkutta aammalu nammineq nunagisatsinni nammineq kajumissuseq tunngavigalugu suliniuteqarfimmiikkuta.

 


 

Ilaasortaanissamut pissutissaqarpit?

Kalaallit Røde Korsiannut ilaasortaanikkut inuup inuunerata naleqassusia kaammattussavat Røde Korsillu suliniarnera tassuunakkut tapersersueqataaffigilerlugu.
Ilaasortaanikkuttaaq aningaasaqarneq inuttullu naleqartitsineq tapersersugarilissavat, napparsimasut, ikilikkat ikiortariallillu allat isumassorneqarnissamik tapersersorneqarnissamillu pisariaqartitsisut aamma tapersersugarilissallugit. Ilaasortaanermut akiliut aningaasatigullu tunissutit allat Røde Korsip arlaannulluunniit pituttugaanani nunarsuatsinni ikiuiniaqatigiiffittut suliniarnerani pingaarutilerujussuupput. Illit ilaasortaanerit imaluunniit tapiissuteqarnerit pissutigalugu inuit nunarsuatsinni sumiikkaluartulluunniit ikiorserneqarsinnaapput.

 

Kalaallit Røde Korsiannut ilaasortaaneq

Kalaallit Røde Korsiannut ilaasortaaneq ukiumut ima akeqarpoq: inummut ataatsimut kr. 125,00, inoqutigiinnut kr.190,00 kiisalu suliffeqarfiit ilaasortaanerat kr. 1000,00.

Bank-imut konto 6471-7660038 akiliinikkut ilaasortanngortoqarsinnaavoq aammalu illoqarfigisami Kalaallit Røde Korsiata immikkoortortaanut akiliinikkut ilaasortanngortoqarsinnaavoq. KRK kommunini ukunani immikkoortortaqarfeqarpoq: Ilulissani, Maniitsumi, Nuummi Qaqotormillu.

Kalaallit Røde Korsianni(KRK-mi)nammineq kajumissuseqarneq tunngavigalugu suleqataarusukkuit illoqarfigisanni KRK-p immikkoortortaqarfia saaffigisinnaavat imaluunniit illoqarfigisanni KRK immikkoortortaqarfeqanngippat KRK-p nuna tamakkerlugu allattoqarfia attavigisinnaavat,

Telefon 32 18 00-imut, fax 32 18 02 imaluunnit mailikkut: krk@krk.gl