Uani kajumissutsinnik sulisunngorit

Akiliisarlutit ilaasortanngorit

Uku toqqarsinnaavatit

Siulittaasup kajumissutsiminnut sulisunut ukiortaami oqalugiaataa 2017 – 2018 uani aajuk

KAJUMISSUTSIMINIK SULEQATAASOQ KRK-MI

IKIUINERMIK SULINIUTEQARTUMUT KATTUFFIIT SILARSUARMI ANNERSAANNUT TIKILLUARIT

Kajumissuseq naapertorlugu suleqataasutut nutaatut aallartinninni, aallartiffigissavat Kalaallit Røde Korsianni najukkanni kajumissutsiminik suleqataasut aqutsisuata oqaloqatiginissaa.

Oqaloqatigiinnissinni illit takorluukkatit aammalu Rødekorsimi kajumissuseq naapertorlugu sulisunngornissanni periarfissatit oqaloqatigiissutigissavasi. Aqutsisuusup suliassatut soqutigisavit iluani sunik suliaqarsinnaanerit innersuussutigissavaa, taamaalillutit kajumissutsit naapertorlugu najukkanni Røde Korsimi suleqataasinnaanngorlutit.

Oqaloqatigiinnersi naggaserlugu, Røde Korsimi kajumissutsiminnik suliaqartunut isumaqatigiissutaasartumik isumaqatigiissuteqassaasi. Isumaqatigiissut ima atorneqartarpoq, suleqatigiinnitsinni qanoq immitsinnut naatsorsuuteqarnersugut ilimasuuteqarnersugullu. Ilutiga-lugulu ilinnut tunngasut paasissutissat allattussavagut, taava illit Røde Korsip najukkami neqeroorutai nutaarsiassaataalu pisalissavatit. Røde Kors-imik isumaqatigiissuteqarneq qaqugumulluunniit allanngortinneqarsinnaavoq taamaatinneqarsinnaallunilu. Eqqaamallugu najugaq allannguuteqarpat nalunaarutigissagakku, taamatutaaq oqarasuaatip imaluunniit mailivit allannguutaa nalunaarutigissagakku, paasissutissat eqqortut piginiassagatsigit.

Kajumissuseq napertorlugu suliaqartut Kalaallit Røde Korsiannit naatsorsuutigissavat:
• Uagutsinnit tikilluaqquneqarluartassagavit aammalu kajumissutsinnik sulininni kissaatitit pillugit naapeqatigiiffeqartarnissarput.
• Qulakkiissavarput kajumissutsiminik sulisumik inummik attaveqaateqarnissat (immikkut sammisanik aqutsisoq) suliani taakkunani illit peqataaffigisanni.
• Røde Kors’-ip nunarput nunarsuarlu tamakkerlugu suliai pillugit paasissutissanik tunineqassagavit.
• Neqeroorfigineqarputit aalajangersimasumik qulequtaqartumik- aamma isumassarsiorfiusumik imaluunniit pikkorissarnissamut peqataanissamut neqeroorfigisassammatit.
• Sulinermi avatangiisit toqqissisimanartut pilersittarpai, kajumissutsit naapertorlugu suliaqarninni sillimmaserneqarnissat qulakkiissavaa aammalu ajutoorfiusinnaasut pinaveersaartittarpai kajumissutsit naapertorlugu sulininni.
• Qaaqquneqarputit Røde Kors´-ip inoqatitut ataatsimoorneranut, inunnik nutaanik attaveqalernissamut aammalu piginnaanivit atornissaanut periarfissiisumut.

Kalaallit Røde Korsiata Illit kajumissuseq naapertorlugu sulisutut imaattuunissat naatsorsuutigaa:
• Pisuni mianersorluni piffiusussani, inunnut pitsaanerusumik inuuneqalernissaannut tuniseqataagit.
• Røde Kors’-ip naleqartitai tunngavilersuutaalu ataqqissagitit.
• Kajumissutsit naapertorlugu sulininni suliassannut iserniarninnut piffissaq immikkoortissallugu.
• Sulinermi sinaakkutissat ilitsersuutillu malinneqartarnissaat.
• Sulinermi avatangiisit toqqissisimanartut isumannaatsullu qulakkeerneqarnissaannut peqataassasutit.
• Isumassarsiannit, ilisimasanik aammalu suliat piginnaasat ineriartortinneqarnissaannut tunniussaqartarnissat.
• Ajornartorsiuteqarnermik naammattuuinermi suliani aqutsisunut attaveqartarnissat imaluunniit suliat illit naatsorsuutigisannit allaaneruppata marluullusi iluarsiissutissamik nassaarniartarnissarsi.
• Kalaallit Røde Korsiata naleqartitaanut pingaartitaanullu ambassadøritut aallartitaalluartuunissat naatsorsuutigaa.

Røde Korsip Silarsuarmi ikiuiniarnermik suliaqartut, kajumissuseq naapertorlugu suliallit kattuffiit annersaraat, aammalu periarfissanik ulikkaarpoq kajumissuseq naapertorlugu sulerusussuseqaraanni.