Katersuineq Nepal imut

Katmandumi nunap sajorujussuarnerata kingunerisaanik inuit 7000 sinnillit ajunaarsimassangatinneqarput

Røde Korsi inunnut tusindilikkaanut ikiueqqaarinnillutillu angerlarsimaffeerussimasunik inissiigallaqattaarinnileruttorput. Siallerujussuartaarnerali sulianut kinguaattoortitseqattaarpoq, taamaakkaluartoq illoqarfeeqqat avinngarusimasumiittut sapinngisaq tamaat angullugit ikiuiniartoqarpoq.
Massakkumut, Qallunaat-Nunaanni Røde Korsi Nepalimi arfininngormat nunap sajunneratigut eqqugaasunut 10 mio. kr.-t sinnerlugit, tunissuteqarsimalereerpoq.

nepal_branding_page

Kalaallit Røde Korsiat massakkumut 100.000 kr.-nik tunissuteqarpoq, taamaakkaluartoq suli iliuuseqarusussuseqarpoq.
Taamaattumik KRK ullumimiik aallartittumik Nepalimi Røde Korsip ataani sullissisut taperserumallugit aningaasanik katersuiniaatitsinialerpoq.

Tele Greenland nalunaaruteqarpoq SMS aqqutigalugu aningaasanik tapiisinnaanissamik ammaassiniarlutik taassuma saniatigut KNR nalunaarpoq ullumimiik qaammat akeqanngitsumik tamatuminnga ussassaarusiorniarlutik.
Misilittakkagut malillugit ajunaarnersuaqartillugu katersuiniaanernut kalaallit takutitsilluartartuupput piumassuseqarluartarlutillu tapersiinissaminnut inunnut ajornartorsiortunut ikiuutaajumallutik. Taamaattumik neriuutigaarput aamma uunga katersuiniarnermut tapiilluarumaartut.

Matumuunalu nunarput inuilu ima kaammattorumavagut:
Katersuiniaanermut tapersiigit, inoqatinik ikiuinissamut inortuisoqanngisaannarpoq, qanorluunniillu tapersiissut annikitsigigaluaraangami annertoorsuartut misinnarsinnaasarpoq.

 

Katmandup-qooruani pisut massakkorpiaq killiffiat
Massakkumut inuit 7.000 sinnillit ajunaarsimasutut naatsorsuunneqarput, illorsuit illullu upperarsimapput, aqquserngit atorsaajunnaavissimapput oqarasuaatikkullu atortut ajorteqattaartualersimallutik. Annassimasinnaasunik ujaasinerup unittarani ingerlanneqarnerani Røde Korsip kajumissutsimikkut sulisorpassui arlaatigut aqqunartitersimasorpassuit 13.000 missaaniittut ikiueeqqarnermikkut, igaffiup pisataasigut mattutissatigullu ikiorlugit aalluttuarpaat.
Røde Korsimi kajumissutsimikkut sulisorpassuit sapinngisartik tamaat piffinni ungasinnerusumiittut tamakkerlugit tikinniarsaraat naalliullutik nunap sajuffigisarpiaaniittut qanitaaniittulluunniit. Tikikkuminaannerinut pissutaalluinnarpoq aqquserngit sequtsersimaneri.

 

Katmandumi Røde Korsip immikkoortortaqarfia nunap sajoriaannaaneranut piareeqqasimavoq
Røde Korsi pisoqarsinnaaneranut piareeqqasimavoq. Ukiuni kingullerni inunnik 10.000-nik kajuminnermikkut suleqataarusuttunik ilinniartitsisimavoq ikiueqqaarnissamik, inuunerminnik ulorianartorsiortunik passussisinnaanissamik kiisalu illut sequnnerisa akornini annaassiniaasinnaanissamut.
Røde Korsi peqqumaasivimminni inunnut 40.000-nut naammattunik tæppenik, igaffiup pisataanik kiisalu presenninginik peqarsimapput agguaassinnaasassaminnik.

 

Landsindsamlingen kører frem til d. 30.06.15

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Nepalimi nunap sajunnerani eqqugaasunut nuna tamakkerlugu katersuiniarnerup piffissap qiterparnerani killiffimmik nalunaarut

 

Ajunaarnersuaq naatsumik

  • Nepalimi illoqarfissuit pingaarnersaata Katmandup qanittuani arf. aprilip 25-ani nunap sajunnera richterskalamik uuttorlugu 7,9-usimavoq
  • Marl. majip aqqaneq-aappaanni nuna sajoqqimmat richterskalamik uuttorlugu 7,3-uisimavoq. Sajunnermini piffiit sakkortuumik eqqorneqarsimareeqisut qaavatigut suli eqqugaaqqillutik.
  • Massakkumut inuit 8.400-nik sinnillit ajunaarsimasutut nalunaarutigineqarsimalerput 630.000-nillu sinnillit angerlarsimaffeerussimasutut.
  • FN naliliivoq nepalimiut 8 millionit inuttut ikiorneqarnissaminnik pisariaqartitsisut.
  • Qallunaat-Nunaanni Røde Korsi massakkumut 13 mio. sinnerlugit nunap sajunnerani eqqugaasunik ikiuiniarnermut tapiissuteqarsimalerput.

nepal1KRK nuna sajoqqaarmat Qallunaat-Nunaanni Røde Kors aqqutigalugu nunap sajunneratigut eqqugaasunut 100.000 kr.-nik tapiissuteqarpoq.
Kinguninnguatigullu Tele Greenland suleqatigalugu SMS aqqutigalugu tapiissoqarsinnaanngorlugu nuna tamakkerlugu katersuiniarnermik aallarniilluni.
Kalaallit-Nunatsinni tamanna atorlugu inuit 151-t tapiissuteqarsimanerisigut katillugit 16.250 kr.-nik tapiissuteqaataasimavoq.
KRK-p kontoanut katillugit 30.170 kr. ikineqarsimapput, taakkunannga annertunera Nuummi Sct. Georgs Gildep tapiissutigivaat 25.000 kr.-t.
KRK-mi misilittakkat takutippaat nuna tamakkerlugu katersuiniarnermi tapiissutip inernera aaliangerneqakkajuttartoq tusagassiutitigut qanoq soqutiginartinneqarsimanera aapeqqutaalluni, tamannalu Nepalimut katersuiniarnermi aammattaaq malunniuppoq.
Kisianni tassa imaanngilaq Nepalimi inuuneq ingerlaannaq naliginnaasunngoqqittoq innuttaasalu inuunitik ingerlateqqiinnaraat soorlu susoqarsimanngitsoq. Ilaqutariaataa tusind-terpassuit angerlarsimaffeerunnikuupput siunissamilu qanittumi neriuutissaqaratik angerlarsimaffittaaqqissiinnaanissaminnik.
Tapiissuteqarusuttunut KRK-p nuna tamakkerlugu katersuiniartitsinera Junip 30-ata 2015-p tungaanut suli ingerlassammat tapiissuteqarusussinnaasunut suli periarfissaqarpoq.
Qanorluunniit annikitsigigaluartumik tapiissutit tamarmik allanngueqataasinnaapput