KRK-p Nunap Iluani Aningaasaateqarfik

KRK-p siulersuisuisa immikkoortortaqarfinnit siunnersuutaasoq aallaavigalugu namminerluunnit suliniuteqarnermigut Nunap Iluani Aningaasaateqarfiup aningaasaatai ajunaarnernut annertuunut allanulluunnit Kalaallit Nunaanni annertuumik pisoqarfiusunut piaartumik ikiortariaqalersunut atorneqassallutik.

Ikiorsiissutit annertunerusumik sumiiffinni innuttaasunut naatsorsuussaapput, taamaattorli inuit ataasiakkaat ilaqutariilluunnit aamma ikiorserneqarsinnaapput.

Ikiorsiissutit pisiniarfimmi pisissutissanngorlugit uppernarsaatitalimmik tunniunneqartuaannassapput, ikiuinissamut suliniutit aallartinneqartut aalajangersimasumik siunertallit taperneqartassapput.

Sillimasersimannginneq pissutigalugu pisut ajornerulissappata aningaasat ikiorsiissutaasut aallartisaqqinnermi sillimmasiinermut tamakkiisumik ilaannakortumilluunnit atorneqartassapput.

Nunap Iluani Aningaasaateqarfik aammattaaq ajutoornerni/ajunaarnerni annikinnerusuni inunnut ataasiakkaanut ilaqutariinnulluunnit ikiorsiisinnaavoq, qinnuteqartut immikkoortortaqarfiup avataani najugaqarsimappata, qinnuteqaatillu KRK-p suliniutaanut najoqqutaanullu naapertuuppata.

 

Denne fundats erstatter fundats af 2002

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Nunarsuarmi tamarmi ajutoornersuaqarfinnut tapiisarsinnaanissamut piareersimatitaqarneq

Kalaallit Røde Korsiata nunarsuaq tamaat isigalugu ajutoornersuaqarfinnut tapiisarsinnaanissamut piareersimatitaqarnermi siunertat:

  • aningaasanik tapeeriataartussanngortilluta uninngasuuteqartuartarnissarput sillimmatinik tigoriaannarnik taamaalilluni KRK Qallunaat-Nunaata Røde Korsianut aningaasanik tapiissutinik nuussisinnaasarnissatta pisariaqartitsisoqarnera malittaralugu periarfissaajuartuartarnissaata qulakkeersimatinnissaa.

Kalaallit Røde Korsiata Nuna tamakkerlugu siulersuisuisa aaliangertarpaat tapiissutip qanoq annertussuseqarnissaa, uninngasuutiniik sillimmatiniik nuunneqartussanngortussaq.

Tapiinerit taamaattut aalingiiffigineqarsinnaapput nuna tamakkerlugu siulittaasumit kiisalu siulersuisuni issiatitanik marlunnik ilalerluni aaliangersaasinnaavoq.

Tamanna martsimi 2002´mi immikkut ittumik ataatsimeersuarnermi aaliangersaaffigineqarnikuuvoq

Immikkoortortaqarfinnut tapiissuteqartarnermut najoqqutassiaq

Siunertaq:

Ikiorsiineq, tapiineq, attartornissamut attartornermulluunnit qularnaveeqqusiineq:
– Immikkoortortaqarfinnut ajornartorsiortunut aaqqissuusseqqinneq, nutaanik immikkoortortaqarfiliorneq, kiisalu immikkoortortaqarfinnik ingerlanngitsunik aallarnisaaneq.
– Atornikuerniarfik atornikuerniarfinnillu aallartitsineq.
– KRK-p suliniutai najoqqutaalu aallaavigalugit nunap iluani suliassanik aallartitsineq.

Qinnuteqarsinnaasut:
Immikkoortortaqarfinnit qinnuteqarfigineqarsinnaavoq.

Tapiissutit annertussusaat:
Tapiissutit nalinginnaasumik makkununnga tunniunneqartassapput:
– Immikkoortortaqarfiit aningaasaataat sinnerlugit suliassanik naammassisaqarniarnermi, tassani namminerisamik ikiueqqaarnermut ilitsersuisartussanik ilinniartitsinerit.
– Pisut immikkoortortaqarfiit pisussaaffeqarneranit annikinnerusumik/amigartoorutaasumik ingerlatsiffiusut.
– Atornikuerniarfeqarnissamut siunniussineq (immikkoortortaqarfinnut, attartugassaannaapput qularnaveeqqutaannaallutilluunnit)

Qinnuteqaatit suliarineqartarneri:
Qinnuteqaatit nuna tamakkerlugu siulersuisunit suliarineqartassapput, siulittaasumit siulersuisunillu ilaasortanit marlunnit akuerineqarpata.

Immikkoortortaqarfiit ulluinnarni ingerlatsinerminnut, allaffissornermut oqarasuaatinut, allakkanik nassiussinernut, angallannikkut, pisartunut uteqqiattunut, suliniutinulluunnit atortussanut nalinginnaasumik aningaasartuutissanut qinnuteqartoqarsinnaanngilaq.