Kalaallit Røde Korsiat Aleppomi ikiueqqaarnermut 50.000  kr.´ninik tunisisoq

Decembari 2016 amma decembari 2018
Ulluni ukunani tusagassiuutitigut tusarliunneqartuarput Aleppomo ajunaarnersuaqarnera, inuit tuusintilikkaat taakkua akornanniillutik meeqqat sorsunnermit eqqugaasut qimaariaannaanatillu.
Kalaallit Røde Korsiata nuna tamakkerlugu siulersuisui aaliangiisimapput Aleppomi Røde Korsip sulineranut 50.000 kr.´ninik tapiissuteqarniarlutik.
Røde Korsilu ima allappoq:
Aleppomi ikiuinissamut nukinginnartumik pisariaqartitsisoqarpoq
Sap.ak. kingulliit ingerlaneranni meeqqat inersimasullu Aleppomiik qimarnguttut nukinginnartumillu nerisassanik, imermik, nakorsaatinik nakorsartinnissamillu pisariaqartitsipput. Massakkorpiaq Røde Kors ulapileruttorpoq napparsimasunik 200 sinnilinnik ikiueqqaarinninnermikkut illoqarfiullu kangia-tungaaniik ikiligaasimasunik ikiuillutik.
Ikiueqqqaarinnittussanik annertuumik pisariaqartitsineq
Inunnik Aleppomo ikiueqqaarinnittoqarnissaanik annertoorsuarmik pisariaqartitsisoqarpoq. Ilaqutariippassuit nerisassaqaratillu, nakorsaatissaqaratillu kiisalu qaammaterpassuarni nakorsanit ikiorserneqarsinnaanngillat. Illoqarfiup ilarujussuani kallerup inneqannginnera pissutigalugu inuppassuit kiassarneqanngillat.
Inuiaqatigiit qimaasut
Syriami ukiuni tallimani sorsuttoqarsimanera inuppassuarnik taassaanngitsunik kingunerlutsitsivoq. Nunap inuisa affaat pinngitsaaliissummik qimaapput. Inuinnaat kaarrapput, sorsuffiusuni nikeriarsinnaanngiffimminni nerisassanik pissarsiassaqannginnertik pissutigalugu. Sorsunnermi eqqugaasut affaat meeraapput amiilaarnartorsuit qeqqanni inuunermik sinneranut  tarnimikkut taaffeqanngitsumik ikiligaallutik.

Kalaallit Røde Korsiata Uummannami ikiuinermini aningaasat atugaasa takussutissiarineri

Røde Kors i Danmark 703.250,00
Uummannamiinneq, angalaneq, ineqarneq allallu
Ole Kirks Fond 250.000,00
Enok Poulsen koncert 42.000,00
Bank Nordik 120.837,00
Ilaqutariit meerartallit, meeqqat inuusuttullu 412.837,00
KRK Hjælpefond 100.000,00
Sigguk A/S 100.000,00
GE 10.000,00
Air Greenland 200.000,00
Røde Kors Færøerne 205.000,00
Kommune Kujalleq 50.000,00
Ajunaarnersuaqarnerani katersuiniartut 5.407,00
KRK Qaqortoq 10.000,00
Gigtertut peqatigiiffiat 3.568,00
Ice Trawl 100.000,00
Katuai tusarnaartitsinermit tapiissutit 84.800,00
Danske Andelskasser 10.000,00
Atornikuerniarfimmi aningaasanik nakkaatitsivik 500,00
GU-mi tusarnaartitsineq KRK Uummannamik atsigaq 11.070,00
Ajornartoornermi ikiuineq    890.345,00

 

KRK-p ikiuinermut fondiani katillugit 2 mio. kr missaat atorneqarput

Aningaasartuutinut assersuutit:

Uummannami Suliniummi ataqatigiissaarisoq, kajumissutsiminillu sulisut 17.07. – 31.08.

Ininik attartornerit allaffissornerillu (saaffiginnittunut sullissinerit)

Sapaatip akunnikkaartumik KNI-mi pisiniutissanik agguaanneq ulluni 20.07-31.08

Eqqugaasunut ilaqutaasunut angalatitsinerit

Tarnip pissusaanik ilisimasalinnik oqaloqatiginninngeq, tarnikkut ikiueqqaarneq

Pisattanik pisiniarnermi aningaasartuutit

Nipilersortunut meeqqanut ilaqutariinnullu sammisaqartitsisunut tapiinerit, namminersortut peqatigiiffiillu suleqatigalugit.

Bank Nordikimit aningaasat bankimiit sulisuiniillu tunniunneqartut kissaataat malillugu meeqqanut inuusuttunullu sammisaqartitsinerut atorneqartussanngorlugit Uummannami pinaveersaatitsinermut siunnersortimut tunniunneqarput, decemberimilu sammisaqartitsinernut atortussanngorlugit.

Grønlandsbankenimi katersukkat Tele Greenlandillu SMS-ikkut katersuiniarnera 1.8 mio kr-nik isertitsipput. Taakku aningaasat innuttaasunit, peqatigiiffinnit suliffeqarfinniillu katersarineqarput. Aningaasallu tamaasa piniartut atortuinut annaasanut atorneqarput, Qaasuitsup kommuneanut Namminersorlutillu Oqartussat suleqatigalugit. Taakkulu 1.8 mio. koruunit KRK-mi kisitsinermi ilaanngillat Kommuunimut tamaasa nassiunnikuugamik.

Danmarkimi fondi aterminik taaserusunngitsoq piniartunut sunngiffimmilu piniartunut atortunut annaasanut atorneqartussanik aningaasaliivoq, taakkulu aamma kiseqataanngillat KRK-mut attuumassuteqanngimmata.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Kalaallit Røde Korsiata Qaanaami piniartut taperserai

Decembari 2016

Kalaallit Røde Korsiata nuna tamakkerlugu siulersui aaliangiisimapput Qaanaami piniartukkormiunut tapiissuteqarniarlutik, sap.ak. kingulleq anorersuarmik piniutiminnik annaasaqarsimasunut.

Qaanaami piniartut massakkorpiaq aqqusaagaat pinngitsoqarata attortisimaarutiginngitsuunngilagut, KRK neriuppoq ukua tapiutaasussat arlaatigut atugaannik oqilisaajumaartut.

KRK aningaasaateqarfinnik marlunnik pigisaqarpoq, nunarsuaq tamakkerlugu ajunaarnersuaqartillugu aningaasaateqarfik kiisalu nunap iluani atugassiaq aamma aningaasaateqarfik

Tassalu kingullertut taasaq nunap iluani aningaasaateqarfimmiik ilaqutariit eqqugaanerpaat katillugit 50.000 kr.´ninik ikiorsiffigineqalerput.

Ikiorsiissutit Qaasuitsup Kommuneata Saaffiginnittarfia innuttaasunik kiffartuussivik aqqutigalugu agguaanneqassapput ilaqutariinnut immikkut toqqartukkanut

KRK Syriap killeqarfianut 50.000 kr´nik Røde Korsip ikiueqqaarinnittuinut aningaasanik tunissuteqarput

Piffissami kingullermi Syriami sorsunnerup sakkortusisimanera ilutigalugu qimaasorpassuit malittuinnaat tyrkiap killeqarfianut apuussorput. Qimarngusut meerartallit unnuivissatut tupersuarnut innersuunneqartarput, inissat apeqqutaallutik iluatsitsisoqarsinnaavoq taamaanngikkaangat silap kiaani qerilerfimmiittumi nunaannarmut innarlutik sinittariaqartarput.

Ajorsartunik ikiuiniarnermi nerisassat annikipput amigarlutillu ullullu ingerlatillugit isumannaatsumut iserfissaqarsinnaaneq isumagineqarsinnaanermullu periarfissat annikilligaluttuinnarput.

Kalaallit-Nunaanni amerlanerit sunnertisimanngillat pisunik qimarngusorpassuit ilungersunartorsiornerannut alianartorsiornerannullu. TV´kut malinnaaffigaagut, immaqa takusagut puigoqqittuusisarlutigit matutta silatinnguani pisuunngimmata.

KRK´p nuna tamakkerlugu siulersuisuuneri aaliangerput Røde Korsip ikiuinneqqaarinnittuinut Syriap Tyrkiallu killeqarfiisa qeeqata missaaniittunut eqqugaasimaqisunik sullissisunut 50.000 kr.´ninik aningaasaliiumallutik.

Piffissap sivikitsup iluani KRK aappassaanik ilaqutariinnut Europap killeqarfiini eqqugaasunut ikiueqqaarinninnermut aningaasanik tapiissuteqarpoq.

decembari 2015

Tasiilaq Røde Korsimiik aningaasanik ikiorsiivigineqalersoq

KRK´p nuna tamakkerlugu siulersuisui aaliangersimapput piterareernerani Tasiilami ilaqutariit eqqugaanerpaat aningaasanik ikiorsiiffigerusullugit. Nuna tamakkerlugu siulersuisut tamatumunnga isumaqatigiilluinnarlutik aaliangiipput tusagassiuutitigut anorersuup kingunerisaanik ajutoornerit tusarliunneqarnerisa kingorna inissiatigut pigisatigullu ajutoornerit ilanngullugit.
Kikkorpiaat tunissuteqarfigineqassanersut Kommuneqarfik Sermersuup Inunnik Isumaginninnikkut qullersaqarfiata aaliangersussuaa ilaqutariinnullu pisariaqartitsisunut Tasiilami ingerlateqqiilluni.

28.11.15

Europami nunat killeqarfiini qimarngusut akornanni ajunaarnersuarnut 50.000 kr.´ninik Kalaallit Røde Korsiat tunissuteqartoq

Kalaallit Røde Korsiani nuna tamakkerlugu siulersuisuunerit aaliangerput 50.000 kr.´ninik tunissuteqarniarlutik inunnik sorsuffinniik malersugaaffiusuniillu qimarngusunik sullissiniarnermi ikiueqqaarnikkut atugassanik
Røde Korsi inuit qimaasut akornaniittuaannarpoq.

Massakkorpiaq tamatta ilisimavarput nunarsuaq tamakkerlugu qimarngusorpassuit akornanni paatsiveerusimaarnersuaqartoq ajunaarnersuartut taaneqarsinnaasumik. Inuit 59 millionit sorsuffinnit, kaannersuaqarfinnit pinngortitarsuullu aseruuffianiit qimarngusorpassuupput. Massakkorpiaq illersorneqarnissamik tunngaviatigullu pisariaqartitatigut qimarngunerminni inuusinnaanngorlugit ikiorneqarnissaminnik pisariaqartitsisorpassuupput.

Røde Korsimiik ullut tamakkiallugit nunarsuarmi aseruuffiunerpaasuni ikiueqqaarnikkut aallussiuarput. Massakkorpiarlu Røde Korsi Syriamiillunilu, Irak´imiillunilu Sudanip kujataaniippoq massakkorpiaq pisariaqartitanik agguaassillutik soorlu imeq, tæppit, nakorsaatit kiisalu napparsimasunik ajunaarsimasunillu ikiueqqaarinnillutik. Syriaannarmi inuit 9 millionit angerlarsimaffeerunnikuullutik aporaaffinniipput ikiorneqarnissamillu pisariaqartitsingaarlutik.

Kalaallit Røde Korsiata Nepalimut 100.000 kr. tunissutigai

Maj 2015

Kalaallit Røde Korsiat massakkumut 100.000 kr.-nik tunissuteqarpoq, taamaakkaluartoq suli iliuuseqarusussuseqarpoq.

Katmandumi nunap sajorujussuarnerata kingunerisaanik inuit 7000 sinnillit ajunaarsimassangatinneqarput
Røde Korsi inunnut tusindilikkaanut ikiueqqaarinnillutillu angerlarsimaffeerussimasunik inissiigallaqattaarinnileruttorput.

Siallerujussuartaarnerali sulianut kinguaattoortitseqattaarpoq,taamaakkaluartoq illoqarfeeqqat avinngarusimasumiittut sapinngisaq tamaat angullugit ikiuiniartoqarpoq.
Massakkumut, Qallunaat-Nunaanni Røde Korsi Nepalimi arfininngormat nunap sajunneratigut eqqugaasunut 10 mio. kr.-t sinnerlugit, tunissuteqarsimalereerpoq.

Ikiueqaarnera Ebola Afrikap kitaani unitsilli

KRKp nuna tamakkerlugu siulersuisui aaliangersimapput 50.000 kr.-ninik tunissuteqarniarlutik

Inuit 3.000 sinnillit marts 2014-minngaanniik nappaatip takkunneraniik nappaammik tunillanneqarnikuusimalerput inuillu 1.500-t nappaat toqqutigereerlugu.

Røde Korsi ikiiutaavoq nappaat pillugu paasititsiniaanermikkutut, nappaammillu toqquteqartut ilisaanissaannik isumaginninnermikkut taakkulu saniatigut inunnut nappaatip tuniluuttarneranik paasititsiniaanermikkut, inuit mianersornissaannik qaammarsaavigalugit.

ebola-virus

Afrikap kitaanut aningaasanik tunissuteqarnermikkut kajumissusertik najoqqutaralugu sulisut suliaminnik ingerlassiinnarnissaat qulakkeerniarlugu. Atisaqartariaqarput immikkut sanaanik illersuutissianik, kiinarpannik, aaqqatinillu.

Tunillannartuiaassutitalinnik nappaammik eqqugaanikut atortoqartinneqartariaqarput soorlu klorinimik tungernillu plastikkimik sanaanik nallaveqartariaqarlutik.

Imeq eqqiluitsoq Filippinerini anorersuarmik eqqugaasunut

Kalaallit rødekorsiata Nuummi immikkoortortaata siulersuisuisa ataatsimiinnerminni ulloq 12.november 2013 aalajangerpaat, Filippinerini anorersuarnik eqqugaasut 50.000,-koruuninik tapiiffigineqassasut.
Aningaasat tunissutit ikiuinissamut aalajangersimasumut atorneqarnissaat siunniunneqarpoq, tassalu ilaqutariit meerartallit imermik eqqiluitsumik imigassaannut atorneqassasut.
Aningaasat Rødekorsip Nuummi immikkoortortaanit tunissutigineqartut tamarmik pisiniarfimmit atornikuusivimmiit isertitat sinneqartoorutaanneersuupput. Pisiniarfimmilu pisiniartartorpassuatta ilagivaat Filippinerit Nuummut nunassissimasut.
Kalaallit Rødekorsiata siulersuisui ullumi 14.november aamma alajangiipput, nunap iluani ikiuinissamut aningaasaateqarfimmiit 50.000 koruunit Filippinerini anorersuup aseroraanik eqqugaasunut tapiissuteqarniarlutik. Taamaalilluni nunatsi Rødekorsi katillugu 100.000 koruuninik anorersuup eqqugaanut ikiuniarpoq.
Anorersuup sakkortoqisup Filippinerit eqqormagit, illorpassuit atortullu amerlaqisut annaaneqarput, sapaatiummallu ullaakkut nalunaarutigineqarpoq inuit 10.000-it annaaneqartut. Nunarsuaq tamarkkerlugu Røde Korsit ikiuiniartartoqatigiivinit naatsorsuutigineqarpoq suli kisitsisit amerlanerungaartut saqqummerumaartut, annaassiniartut sulinerat iluatigalugu.
Røde Korsi inunnik annaasiniarluni ikiueqqaarnermik suliaqarpoq, ikiueqqaarnermullu atortussat nalinginnaasut pisariaqartitsisunut agguaatarlugit, soorlu tippit, ulersuit, nakorsaatit aammalu imeq imigassaq. Sillimavugut piareersarlutalu annertuumik ikiuiniarnermik suliaqassalluta, ulluni sapaatip akunnerinilu aggersuni.

Kalaallit Røde Korsiata Syriami sorsuffiusumi qimaasunut 50.000 kr.-t tunissutigai

KRK-iata nuna tamakkerlugu siulersuisut ataatsimiinnerini 08.10. aalajangiunneqarpoq kr. 50.000 –t tunissutigineqassasut Syriami sorsunnermi eqqugaasunut, inunnnik ikiuiniarnermi.

Meeqqat inuusuttullu millionillit Syriami sortuttoqarnerani, ajoraluartumik ulluinnarsiutaasimasoq pissutigalugu, qimaasuupput. International Røde Kors nunani ikiuiniutinik agguaassinissamut akisussaasuuvoq, suliniaqatigiiffillu nakorsarpassuaqarpoq inuunertik ulorianartorsiortillugu nunami sorsuttoqarnerani eqqugaasimasunik ikiuiniartunik.

-Syriami meeqqat naalliuttut Nunatsinnit iliuuseqarata isiginngitsuusaaginnarsinnaanngilagut. Syriami eqqagaasunik ikiuiniarluni Danmarkimi katersuiniartoqarpoq, Nanatsinnili taamaaliortoqanngilaq. Taamaammat 50.000 koruuninik tunissuteqarfiginiarlugit aalajangerpugut, Kalaallit Røde Korsiata allaffiani pisortaq Kirsten Mortensen knr.gl-imut oqarpoq.

KRK-p meeqqanik sorsuffiusumiittunik ikiuinissaa aallaqqaammullu aalajangerneqareersimavoq. Taakkumi nammineerlutik qimaanissaminnut periarfissaqanngillat, aammalu maanna inissisimanerminnik sunniuteqarfiginissaanut periarfissaqanngivillutik. Taamaammat aamma sorsunnermit ersiortitaanissaminnut aamma qaninnerupput.

flygtningebrn i syrien

-Ikiuniutissatut aningaasat katersorneqartut karsimut ataatsimut nalinginnaasumik katersorneqartaraluarput, uagulli tunissutitta meeqqanut qimaasunut ikiuiniutissatut atorneqarnissaat qulakkeersinnaasimavarput. Tunissutivut Dansk Røde Korsimut ingerlatippagut, taakkulu sumiiffinnut ajornartorsiorfiusunut ingerlateqqinnissaat isumagissavaat.

Kalaallit Røde Korsiata Atersuarni ikuallannermi eqqugaasunut tapersiiffigai

Pisiffik/Jysk suleqatigalugu Kalaallit Røde Korsiata Ilulissani Atersuarmi septemberip 14-aniikuallannermi inuit 15 angerlarsimaffeerukkallarnerinik pigisaminnillu annaasaqarnerinik kinguneqartumi eqqugaasut ikiorserpai.

Ullumikkut novemberip 21-ani najugaqartut siniffissaminnik pajunneqarput katillugit kr. 45.000,00-nik naleqartunik. KRK pisinissamut kr. 20.000,00-nik tapiissuteqarpoq, Jyskilu annertoorujussuarmik akikilliliinermini tapiissuteqarluni. Tamatumalu saniatigut Jysk oqorutinik qalissaannillu eqqugaasimasunut tunissuteqarpoq.

Pisiffik-mut/Jyskimut annertuumik qujarusuppugut siunertalimmik inerititaqrfiusumillu suleqatigiilluarsimanitsinnut, Atersuarni eqqugaasut amerlasuut KRK-lu suleqatigiinnissinni ikiorpasi.

Nanortalimmi ilaqutariinnut piniartunut katersuiniarneq Kalaallit Røde Korsiata tapersersorpaa

Ilaqutariit angallateeqqamik piniutinillu annaasaqarsimanerannut atatillugu 17.10.11 Anni Jens Glindorfilu aningaasanik katersuiniarnertik aallartippaat. Angallateeqqamik annaasaqarneq alianartumik pivoq inuusuttuaqqat marluk inuunerminnik annaasaqarneranik kingunilik.
Kalaallit Røde Korsiata Qaqortumi immikkoortortaqarfiata katersuiniarneq aningaasanik kr. 5.000,00 annertutigisumik tapersiiviginiarlugu aalangiussimavaat.
Kalaallit Røde Korsiata siulersuisuunerisa 25.10.11 ataatsimiinnerminni ilaqutariinnut tapersersueqataaniarlutik aalajangiuppaat.

Tapersiiniarneq neqeroorutinngorlugu tunniunneqarusuppoq.
Ilaqutariit angallatitaassaannut ukioq ataaseq sillimasiineq kr. 10-12.000,00 missaani nalilik neqeroorutigineqarmat. Taamatuttaarlu ilaqutariit periarfissinneqarlutik ukiup tullissaani sillimasiinissamut akiliutissanik KRK-mut qinnuteqaqqissinnaanerannut.
KRK-p taama tapiinermini ersarissarusuppaa angallataatillit tamarmik, nuannaariutaagaluarunik piniutaagaluarunik angallatiminnut sillimasiisarnissaat, taamaalillutik ilaqutariittut Nanortalimmeersutut nalaataqannginnissaat anguniarlugu.