Aasaanerani aallaasimaarneq 1018

Kalallit Røde Korsiat meeqqanut illoqarfik qimallugu ferie-sinnaanngitsunut aasaanerani aallarnissamut pilersaarusiorpoq.

 

Meeqqanik 21-nik inersimasunillu arfineq marlunik iloqarfinni/nunaqarfinni ukunaneersunik Ilulissat, Maniitsoq,  Sisimiut, Aasiaat, Tasiilaq,  Nuuk, Qaqortorlu.

 

Aasaanerani aallaartitsisarnerit piviusunngortissinnaanerat annertuumik nammineq piumassutsiminnik suliniuteqartarnerat, Artic Umiaq Linep, Tips og Lottop aningasaleeqataasarfia, Nunafond-ip, Helene & Svend Junge-llu Fond-iata aningaasaleeqataasarnerisigut  pilersinneqarsinnaasarput.

Nuna tamakkerlugu Kalaallit Røde Korsianiit tamanut qujavugut.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Asimiinneq Nuup eqqaani Itillimi 2016-mi aamma 2017

Nuna tamakkerlugu siulersuisut 2015-mi aalajangerput ukiuni pingasuni Nuup eqqaani Amerlaliup kangerluani Itillimi meeqqat aasiartinneqartassasut.

Aalajangernerup siunertaraa akissarsialimmik aqutsisulerlugit asimiisitsineq ingerlanneqartassasoq, siornatigut sulisut tamarmik kajumissutsiminnik sulisarput.

Immanuelfoden KRK-lu suleqatigiillutik massakkut aallaarsimaartitsinerit naammasseqqammerpaat, tamarmillu angusamut naammagisimaarinneqaat.

Immanuelfondenip akisussaaffigaa Nuummiit Nuummullu angallanneqarnerat, Itillimilu illumik attartorneq.

Illu taanna nuanneqaaq, kissartumik nillertumillu imeqarpoq innaallagiaqarlunilu.

Sullinneqarnerput assut pitsaavoq, amerlanertigullu pedeli illumeeqataasarpoq assigiinngitsorpassuarnillu ikiuuttarluni.

2016-mi meeqqat 20-it peqataapput inersimasullu arfinillit

2017-mi meeqqat 17-it inersimasullu arfineq-marluk. 2017-mi siullermeertumik Tasiilameersunik peqataasoqarpoq, 2018-milu naatsorsuutigaarput Aasianniit peqataasoqarnissaa.

2018-mi Nuummi aallaarsimaarneq kingulliussaaq, taassumalu kingorna asimiititsisarneq immikkoortortaqarfiit ingerlatigilissavaat.

KRK-p meeqqanut asimiititsisarneri Tips & Lottomit, Helene og Svend Junges Fondimit NunaFondenimiillu aningaasaliiffigineqartarput.

Ilulissani aasaanerani tammaarsimaartitsineq 2015

Ukioq´manna iluatsittumik aammaleerlugu KRK meeqqanik angalanissaminnut periarfissaqarluanngitsunik aasaanerani tammaarsimaartitsinertik iluatsippaat.

Tamanna Kangersunermi Ilulissat eqqaani Junip 21´niik – 27.´nut pivoq.

Meeqqat ukioq´manna peqataatinneqartut tamakkerlutik nunaqarfinneersuupput, Kujataani Alluitsup Paaniik, Qeqertarsuatsiaaniik, Kangaamiuniik, Qeqqani Sarfannguaniik Avannaani Qeqertaniik.

KRK´p tammaartitsinerini meeqqat inersimasullu peqataasartut ikinngutitaartortarput inuunermillu sinneranut eqqaamasassaminnik misigisaqartarlutik.

Arctic Umiaq Line annertuumik qutsavigaarput angalanertaanut aningaasartuutissaraluatta affaat aningaasaliiffigimmatigit kiisalu Tips og Lotto, Nunafonden naggataatigullu Helenep Svend Jungellu Aningaasaateqarfiat taamattaaq qutsavigalutigu.

Aasaanerani asiarnitsialak 2014

Meeqqat 15-t inersimasullu arfineq-marluk sapaatip akunnera Tatsip Ataani Qaqortup eqqaaniittumi aasarsioreerlutik tikeqqammerput.

Ukioq-manna peqataasut ukunaneerput: Saqqaq, Itilleq, Qeqertarsuatsiaat, Nuuk Qaqortorlu.

Asiartitsineq ukunaniik aningaasaliiffigineqarpoq: NunaFonden, Tips og Lotto kiisalu Helene Svend Junge-llu aningaasaateqarfianiik minnerunngitsumillu AUL-p akeqanngitsumik angalatitsineratigut nerisasserlerneratigullu avataaniit peqataasunut.

Tapeeqataasunut tamanut qujangaarpugut kajumissusertillu tunngavigalugu suleqataasorpassuarnut.

Qaqortoq 2014

Asimut aasarsioriartornissaq tullinnguuppoq

Sarfaq Ittuk nipittuallallunilu qiimmaallannassooq marl. julip 15-at meeqqat 15-t, kajumissusertillu naapertorlugu sulisut tallimat, ikaarpata Nuumi.

Qaqortup eqqaanut ” Tatsip Ataa”-nut aasaanerani ukiumoortumik taamaarsimaariartortut Qaqortumi KRK-p immikkoortortaqarfiata aaqqissuussaanik. Aasaq-manna Taatsip Ataani tammaarsimaarnissaq julip 16-aniik 24-nut ingerlanneqassooq.

Ukioq-mannalu peqataatinneqartut amerlaneri nunaqarfinneersuupput. Ilulissat pigisaaniik Saqqamiik, Sisimiut pigisaaniik Itellermiik, Maniitsup pigisaaniik Atammimmiik kiisalu Nuup pigisaaniik Qeqertarsuatsiaaniik, Nuummiillu. Meeqqat nammineerlutik angalanissaminnik periarfissaqanngitsut angallanneqartussat 10-11-nut ukioqarput.

KRK aqqutigalugu asiarneq akeqanngilaq sulisut akissarsinertaqanngitsumik kajumissutsimikkut sullissipput taamaallaat angalanerat nerisaqarnerallu isumagineqarluni.

AUL akeqanngitsumik tapiissutitut angalatippaat inini sisamaattarissani ineqartinneqassapput. Iluarneroqqissinnaanngilaq.Kisianni Ilulissat eqqaaniik peqataasussat Nuup tungaanut taamaallaat timmisartussapput, angumersiniarlutik.

AUL, Tips og Lotto, Helene amma Svend Junges Fond Nuna Fond-lu taamannak kusanartigisumik periarfissiinerannut qutsavigerujussuarpagut.