Tunngavissat arfineq-marluusut

Røde Korsimi suliagut suugaluartulluunniit nunarsuaq tamakkerlugu tamavimmik suliaqarnitsinni, tunngavissianiik arfineq-marluusuniik, aallaaviligaasimasarput.

 

Inuppalaassuseq:

Røde Korsip sapinngisani tamaat, inuit maani nunarsuullu sinneraniittut sumiikkaluilluunniit, naalliuuteqarnissaat pitsaaliorniarsaraa. Røde Korsimi siunertaavoq inuunermik peqqissutsimillu illersuinissaq kiisalu inuup ataqqineqarnissaa qulakkiissallugu aammattaaq akerleriit akornanni paaseqatigiittoqarnissaa, ikinngutigiinnerup suleqatigiinnerullu anguniarnissaat kiisalu inuiaat tamat akornanni ataavartussamik eqqisineqarnissaa.

 

Kinaassusersiunnginneq:

Røde Korsi ikiuisarpoq sumiuuneq, ammip qalipaataa, upperisaq, isumaliortaaseq, inuiaqatigiinni inissisimaneq, politikkikkulluunniit isummat apeqqutaatinnagit. Røde Korsip noqqaassutigiuarpaa inuit naalliuutaannik atoruminarsaaffigineqarnissaat pisariaqartitaallu tamatigut kisiisa aallaavigisarlugit atugarliornerpaatullu inissisimasut ikiuinermi siulliunneqartarlutik.

 

Sorsuttunut akuliukkumannginneq:

Tamanut tatiginninnermik tatigineqarnermillu ilorrisimaarnartitatsinnik attassiuarumalluta, Røde Korsi, akeqqersimaartunut, illersugaqarluni akunnermiliutissanngilaq , sukkulluunniillu, politikkikkut, ammip qalipaataatigut, upperisarsiornikkut, isummersornikkulluunniit isumaqatigiinngitsoqartillugu , akuliutinngisaannassalluni.

 

Kiffaanngissuseq:

Røde Korsi kiffaanngissuseqarpoq. Inunnik ikiuiniarnerminni nunap najukkamik malittarisassaat malillugit Naalakkersuisuinik ikiuuttuartarumaarput,kisianni namminersortuunertik attattuassavaat. Taamaalillutik Røde Korsip tunngavii malillugit iliuuseqarsinnaajuassapput.

 

Kajumissuseq:

Røde Korsi kajumissuseq malillugu ikiuiniaqatigiiffiuvoq, sulinermini naamerluinnaq aningaasatigut iluanaarniarnermik tunaartaqanngilluinnarpoq.

 

Ataasiussuseq:

Nunat iluini ataasiinnarmik Røde Kors peqatigeeqaqusaavoq. Peqatigiiffik tamanut ammasuussaaq nunalu tamakkerlugu inunnik sullissinini ingerlatissallugu.

 

Tamanut assigiissoq:

Røde Korsi nunarsuaq tamakkerlugu ingerlassaavoq, sumiiffimmi sumiikkaluamiluunniit Røde Korsip immikkoortortaqarfii assigiimmik inissisimaffeqarput assigiimmillu akisussaaffeqarlutik ikioqatigiinnissaminnullu pisussaaffiligaallutik.

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP