KRK-INUA suliniummi siunnersortissarsiorpoq

8. Nov, 2023

2024-mi Kalaallit Røde Korsiata inuusuttunut immikkoortortaqarfia KRK-INUA suliniummi suleqataasussamik atorfinitsitsilerpoq.

Suliniummi siunnersortitut suleqatigissavat suliniummi aqutsisoq Nuummi allaffeqarfeqartoq. Suliniummi aqutsisoq suleqatigalugu KRK-INUA-mi sammisassat assigiinngitsut inerisassavasi. Piffissami aalajangersimasuni angalanertaqangaatsiartarsinnaavoq, suliassat ilagigamikku illoqarfinni assigiinngitsuni KRK-INUA-mi kajumissutsimik sulisunut pikkorissaanerit tapersersuinerillu.

Atorfik

  • Kajumissutsimik sulisunut attaveqarneq aqutsinerlu
  • Suliniummik aqutsinnermi siunnersortaaneq, ass. aningaasartuutissatut naatsorsuutitut missingersuutinut ataavartumik malinnaatitseqataaneq, nalunaarusioqataanerit
  • Inuusuttunut tarnikkut ikiueqqaarnermi, Sprintimilu pikkorissaanissanut pilersaarusiornerit pikkorissaaqataanerillu
  • Suleqatinut suliniummilu soqutiginnittunut ataavartumik attaveqarneq
  • KRK-INUA-p allaffiani ad hoc 
  • Sociale mediakkut attaveqarnerit
  • Suliniummilu “Handlekraft når livet gør ondt”-mi suliassanik ikiuunneq

Illit

  • Kalaallisut oqalussinnaavutit, danskisut tuluttullu oqaloqatiginnissinnaallutit
  • Iluaqutaassaqaaq ataqatigiissaarillaqqikkuit sulianullu tamakkisumik nakkutiginnilluarsinnaaguit
  • Pikkorissaanermi ilinniartitsinermilluunniit misilittagaqarputit
  • Inunnut amerlasuunut sassasarsinnaavutit suleqatiginnillaqqillutillu

Neqeroorutigivagut

  • Suliffik inuppassuarnut allanngueqataaffiusinnaasoq
  • KRK-INUA-milu pilersaarutinut piviusunngortitseqataaneq
  • Allaffeeqqami pissanganartumi assigiinngitsunillu suliaqarfiusumi allaffeqarneq, suleqatissallu attaveqatigiilluarfiusut
  • Ilinniaqqinnerit, pikkorissaanermilu peqataanissamut periarfissat
  • Aningaasarsiat pitsaasut, immikkut isumaqatiiissuteqarluni atorfinitsitaaneq
  • Suliniutip ingerlanerani atorfik ukiut pingasut affarlu ingerlassaaq

Atorfininneq

Kingusinnerpaamik januarip aallaqqaataani 2023-mi atorfinissinnaasumik ujarlerpugut.
Atorfiniffissaq: KRK-INUA, 3900 Nuuk, Kalaallit Nunaat

Inissaq

Atorfininnermut atatillugu inissiamik neqerooruteqanngilagut

Paasissutissat allat

Atorfimmut tunngasumik paasisaqarnerorusukkuit Suliniummi aqutsisoq Erni Kristiansen attavigisinnaavat oq. (+299) 522616 e-mail: inua@krk.gl 
Qinnuteqaat CV-lu uunga e-mailimut nassiutissapput inua@krk.gl 
Qinnuteqarfissaq kingulleq ataasinngorneq novemberip 20-at 2023. Oqaloqatiginninnerit ingerlanneqassapput 23-27 november. 

Tarnikkut ikiueqqaarnermi pikkorissaanerit
Tarnikkut ikiueqqaarnermi pikkorissaanerit

KRK maannakkorpiaq tarnikkut ikiueqqaarnermi pikkorissartitsinerit neqeroorutigisinnaanngikkallarpai najoqqutassat maleruangassallu nutarterneqaramik.Tarnikkut ikiueqqaarnermut pikkorissartitsinerit...

Atuaruk
TUSAGASSIUTINUT NALUNAARUT
TUSAGASSIUTINUT NALUNAARUT

Kalaallit Røde Korsiata Ukrainemi sorsunnermi eqqugaasunut nuna tamakkerlugu katersuiniarnera Ukrainemi sakkutuut atorlugit sorsunnertalimmik tiguaaniarnerup kinguneraa inuit millionilikkaat...

Atuaruk

Bliv frivillig

Bliv medlem

Vælg mellem: