KRK-mi aningaasaateqarfiit

Aningaasateqarfik Nunatta iluani pisunut

Nuna tamakkerlugu siulersuisut pinartoqartillugu, soorlu ajunaarnersuaqarpat, sakkortuunilluunnit Nunatsinni pisoqarpat aalajangersinnaapput aningaasaliissallutik, takusinnaagunikku piaartumik iliuuseqartoqartariaqartoq.

Aningaasaliineq pisinnaavoq nunaqqatigiinnut ilaqutariinnulluunniit. Pisortat oqartussaaffiata ataaniippata aningaasaliiffigineqarsinnaanngillat.

Aningaasaliineq pisarpoq tunissut/gavekortinik sanatitsinikkut tamanna pisarpoq illoqarfinni pisiniarfiit suleqatigalugit. Imaluunniit katersuiniarnerit immikkut siunertalikkat.

Assersuutigalugu sillimmasersimanngitsunut aallaqqaasiutaasinnaasunik il.il.

Nuna tamakkerlugu aningaasaateqarfik tapiisinnaasarpoq minnerusunik ajutoortoqarsimatillugu imal ajunaarnersuit inunnut ataasiakkaanut ilaqutariinnulluunniit, immikkoortortortaqarfitta avataani illoqarfeqaraanni, imaluunniit KRK-mi anguniakkatta ilaanniippat.

Nunarsuarmi ajunaarnersuaqassappat aningaasaateqarfiup malittarisassai

Nunarsuarmi ajunaarnersuarnut aningaasaateqarfiup siunertai:
  • Qulakkiissallugu aningaasanik immikkoortitsisoqareersimanissaa, Kalaallit Røde Korsiallu ikiuiniaqataassaguni Dansk Røde korsimut ikisiinnarsinnaanissaa.

Kalaallit Røde Korsianni siulersuisut nammineq aalajangissavaat aningaasat qassit ikiuinermut atorneqassanersut – Nunarsuarmi arlaanni ajunaarnersuaqaraluarpat.

Aningaasaliinissamut aalajangiineq pisinnaavoq siulittaasoq aamma ilaasortat allat marluk peqatigalugit.

Taanna aalajangiunneqarnikuuvoq aallartitat ataatsimeersuarneranni 2001-mi

Immikkoortortaqarfinnut aningaasaliinissamut malittarisassat

Siunertaq:

Aningaasaliineq, tapiineq, qularnaveeqqusiineq, atortitsinerluunnit:

  • Immikkoortortaqarfinnut aaqqissueqqinnermi, nutaanik immikkoortortaqarfeqalernermi, kiisalu immikkoortortaqarfinnik unittooqqasunik aallarnisaanermi.
  • Atornikuerniarfiit aamma nutaanik atornikuerniarfittaartoqalernerani.
  • Aallarnisaaneq nuna tamakkerlugu suliassaqartillugu- KRK-mi anguniakkatsinni ilaappat.
Kikkut qinnuteqarsinnaappat:

Immikkoortortaqarfiit

Tapiissutit:

Tapiisutit nalinginnaasumik tunniunneqartarput:

  • Suliassanik aaqqiinermi, soorlu immikkoortortaqarfiup akilersinnaanngippagu, ass. Ikiueqqaarnermi nunaqqatinik pikkorissaanissaq.
  • Immikkoortortaqarfiup isertitai amigarpata.
  • Atorniukerniarfimmut tunngasunut (Immikkoortortaqarfinnuinnaq atukkiineq qularnaveeqqusiinerluunniit)
Qinnuteqaatinik suliarinnittaaseq:

Qinnuteqaatit Nuna tamakkerlugu siulersuisunit suliarineqassapput, akuerineqarsinnaallutillu siulersuisumit Nuna tamakkerlugu ilaasortallu allat marluk peqatigalugit.

Ulluinnarni aningaasartuutinut qinnuteqartoqarsinnaanngilaq soorlu oqarasuaatinut, nassiussinermut aaqqissuussanut ataavartunut, imaluunniit allaffissornermut tunngasunik amigaateqarnermut il.il.

Kiffaanngissuseq

Røde Korsi kiffannfissuseqarpoq. Inuunik ikiuiniarnerminni nunap najukkamik malittarisassaat malillugit Naalakkersuisuinik ikiuuttuartarumaarput, kisianni namminersortuunertik attattuassavaat. Taamaalillutik Røde Korsip tunngavii malillugit iliuuseqarsinnaajuassapput.