Inuusuttoq kinaluunniit nukittuffeqarpoq massakkut inuusuttut amerligaluttuinnarput nukittuffitik atorlugit inuusoqatiminnik KRK-INUA aqqutigalugu ikiuisalerusuttut.

Sap.ak. naanerani aprilip 18-20´anut Aasianni inuusuttut sisamat tunngaviusumik paasissutissatigut pikkorissaavigineqareerlutik inuusoqatiminnik atugarliuutilinnik KRK-INUA aqqutigalugu ikiuutaanissaminnut piareerput.

KRK-INUA sammisaqartitsisarpoq inuusuttut atugaqatigiit akunnerini nuannersumik attaveqaqatigiittoqalernissaa anguniarlugu. INUA´ni kajuminnertik tunngavigalugu sullissisartut nuannaartunartutut maligassiuiinnaratik aamma ileqqutoqqanik unittooqqassutaasunik nikisitseqataasartuupput.

”Tunngaviusumik ilisimasassanik pikkorissaavigineqarnerput tamakkerluni nuannerlunilu ilikkarnarpoq. Røde Korsi pillugu kiisalu siunertai paasisaqarfigaakka. Assullu nuannaarpunga pikkorissaanermi peqataasinnaasimagama, Aasianni kajuminnermigut suleqataasalertussat nutaat ilaat Hans-Peter taama oqarpoq.

INUA marts