Siulitaasuugallartoq KRK Nuuk: Mia Rosing Nielsson

Nuummii immikkoortortaqarfiup ataatsimeersuarnerani siulersuisunut makku qinigaapput

 

Siulitaasuugallartoq: Mia Rosing Nielsson  nuuk@krk.gl

Siulitaasoq tullia: Nina Kreutzmann Jørgensen

Angiaaserisoq: Rosina Abelsen

Allatsi: Jeanett Kristoffersen

Ilaasortoq: Susanne Rasmussen og Ane Maria Lauritsen

Sinniisussat: Susan Vanet

 

Årsregnskab KRK Nuuk afd. 2018

KRK Nuuk Beretning 2018

 

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Nuummi atornikuerniarfik

Imaneq 41 (“Oles Varehus”)
Postboks 148,
3900 Nuuk

Ammasarfii:
Sisimanngorneq aamma tallimanngorneq nal. 13.00 – 17.00
Arfuninngorneq nal. 11.00 – 14.00

Oqarasuaat 32 36 47

Immikkoortortaqarfik Nuuk, oqaluttuarisaanermik kingumut qivialaarneq

 

Dansk Røde Korsip 70-ikkut aallartinnerani annertuumik kissaatigisimavaa Røde Korsip ilisarnaataata nunarsuarmi qeqertat annersaanni pilersinnaqarnissaa.

aase 2Aatsaat Dansk Røde Korsimit pingajussaa tikeraartoqareerneratigut Sjællandillu kujataani ikiueqqaarnermut pikkorissaasartussanik pikkorissaasoqareerneratigut 1974-mi Nuummi Røde Korsip immikkoortortaqalernissaa iluatsinneqarpoq. Maria Meyer siullerpaamik siulittaasoralugu (1974-1978) immikkoortortaqarfik arriitsunnguamik aallartikkiartulerpoq ilaasortassarsiulerlunilu.

Suliat killileqarsimapput, ikiueqqaarnermik pikkorissarnerit atuakkanillu oqaatsinut marlunnut ikiueqqaarnermut saqqummersitsisoqarsimalluni, kingusinnerusukkullu sinerissami immikkoortortaqarfiliorniarnerit misiliiffigineqarsimapput sumiiffimmi ikiueqqaarnermut pikkorissaasartoqarnikkut.

Nuummi immikkoortortaqarfimmi siulittaasoq immikkoortortaqarfinni annerpaatut suliaqarnerpaatullu DRK-p siulersuisuini ingerlaannartumik ilaasortaavoq, ukiumoortumillu qallunaat nunaanni ataatsimiittoqartarnerani peqataasarluni, Dansk Røde Korsimut ataneq malunnartinniarlugu, kisiannilu aamma siunissami ingerlariaqqinnissamut isumassarsiorfittut atorumallugu.

Tamanna tunulequtaralugu Nuummi immikkoortortaqarfik nuna tamakkerlugu katersuiniartoqarnerani pikkoriffeqalersimavoq, tamanna innuttaasunit pisariaqartutut misigigaangamikku. Kalaallit ikiuiumatunersuat angusaqarluartarnermikkut nunarsuatsinni – qallunaat nunaanni tusaamasaassutaasutut oqaatigineqarsinnaavoq.

Nuummi immikkoortortaqarfik inuppassuarnit soqutiginnittunit tapersersorneqarpoq, siulittaasussarsiortoqartarneranili soqutiginninneq annikittarsimavoq, tassani Aase Nygaard Kalaallit Røde Korsiata 1992-mi pilersinneqarnissaata tungaanut qinigaasaqattaartuartarsimalluni. Aase Nygaardillumi Ungdommens Røde Kors Savalimmiunilu Røde Kors peqatigalugit namminersornerulluni ingerlalernissaq Dansk Røde Korsimut attaveqarnermi tunngaviusumik angusimallugu.

 

Illoqarfimmi Røde Korsip ersarinnerulernissaa immaqalu isertitaqarnerulernissaq anguniarlugu 1991-mi atornikuerniarfeqalernissaq eqqarsaatigineqarsimasoq pilersinneqarpoq. Nuummi immikkoortortaqarfiup illunnguaq mikisoq maanna piiarneqarsimalersoq Oles Varehusip qulaaniittoq attartorsimavaa. Atisanik katersuiniarneq siulleq pivoq Sct. Georgs gildet tivoleqartitsinerata nalaani, tamannalu aqqutigalugu atisanik atorunnaakkanik sumut tunniussisinnaaneq ilisimaneqalerluni. Iluatsilluartumillu qujanaqisumik aamma inuit paasivaat aningaasat annikitsut atoraluarlugit atisat “nutaanik” taarserneqarsinnaasut, imalu siuariartupiloortigaluni allaat inimik annertunerusumik pisariaqartitsisoqalerluni. Namminersornerullutillu Oqartussanut sivisuumik isumaqatiginniartoqareerneratigut partiip allaffigisimasaani attartortoqarpoq, mikivallaalermallu maanna inissisimaffigisamini inissisimalerluni. Qujanartumillu piffissap ingerlanerani kajumissutsiminnik ikiuuttut paariinnarsinnaasarsimagatsigit, marlunngornerit tamaasa atsisanik, atuakkanik atortunillu assigiinngitsunik Nuummi innuttaasunit tunniussaasimasut  immikkoortiterlugit sulisartut. Pisiniarfik 1991-mili ammarami sisamanngornerit, tallimanngornerit arfininngornerillu tamaasa piumassutsiminnik ikiuuttunit ammatinneqartarpoq, ilaallu sivisoorsuarmik kajumissutsiminnik ikiuuttuartarsimapput makkuusut Noelë Simon, Pia Johnsen, Iben Bihl Jørgensen kiisalu Aase Nygaard puigorneqassanngilarlu Poula Bekooy, peqqissutsini pillugu 2010-mi taamaatittariaqarsimasoq, taamatullu Solvej Skifte aammalu Naja Kreutzmann ukiorpassuarni qasusuillutik pisiniarfiup ingerlaannarnissaanut annertuumik suliniuteqaqataasimasut.

KRK-p 1992-mi aallartinnerani Aase Nygaard Nuummi immikkoortortaqarfimmi siulittaasuuvoq 1996 tikillugu, tamatumalu kingorna siulittaasuuffik ilaatigut makkunannga inuttaqartarsimavoq

Lilly Lynge (1992-1998)

Aase Nygaard (1999-2000)

Tom Andersen ( 2001 – 2003)

Calle Tøtrup ( 2004-2006)

Otto Albrechtsen (2007-2009)

Kingulolertullu 2010-mi qinigaavoq Lissi Olsen

1992-mit aallartinnermi atornikuerniarfeqarneq annertunerpaamik suliaqarfiusimavoq, kajumissutsiminnillu amerlasoorpassuarnik sapaatip akunnerinit sapaatip akunneranut inunnik ataatsimoortitsisarsimalluni.

genbrug2Pisiniarfimmi sinneqartoorutit Nuummi suliniutinut assigiinngitsunut atorneqartarput, soorlu pissakinnerusunut juullilernerani ppisissutissanik tunniussinermi, juullimut tunniussassat illoqarfimmilu angerlarsimaffeqanngitsunut sapaatip akunnikkaartumik nereqatigiisitsinernut. Ukiumoortumik psykiatriimik ulloqartitsinermi aningaasaliisoqartarpoq tamat nerisinneqarsinnaanerat siunertaralugu.

Tapiissutaasartut annertuut ilagisarpaat nuna tamakkerlugu katersuiniarnerit assigiinngitsut, taamatullu tapiinerit annikinnerusut qinnuteqaateqartoqarneratigut immikkuullarissunut aalajangersimasunullu.

Nuummi immikkoortortaqarfik meeqqat aallaarsimaartinneqarnerani siullerpaami 2002-mi aaqqissuisuuvoq, tamatumalu kingorna meeqqat 3-4 illoqarfinni allani aallaarsimaartinneqarnerini peqataatittuartarlugit, nunatta kujataaniikkaluarpat avannaaniikkaluarpalluunnit. Aallaarsimaartitsineq kingulleq 2012-mi maani Nuummi ingerlanneqarpoq meeqqallu 12 Nuumminngaannit peqataatinneqarlutik. Meeqqat arlaannaatigulluunnit illoqarfimmik qimatsinissaminnut periarfissaqanngitsut sapaatip akunnerani nuanneqisumik Ameralimmiitinneqarput.

calle 1Ikiueqqaarneq eqqarsaatigalugu Nuummi immikkoortortaqarfik annertuumik suliniuteqarsimavoq, taamanikkut immikkoortumi siulittaasuussoq Calle Tøttrup ikiueqqaarnermut ataatsimiititamik pilersitsoqarnissaanik siunnersuuteqarneratigut. Taamaalilluni Nuummi taamaallaat nukittuumik ikiueqqaarnermi pikkorissaasinnaasunik taamaallaat peqarani illoqarfiillu allat pikkorissarfigineqarsinnaanissaat inerisarneqassammata.