Qaqortummi imikkoortortaqarfimmi siulersuisut nutaat

Qaqortummi immikkoortortaqarfiup ataatsimeersuarnerani 20.04.17 siulersuisunut makku qinigaapput:

Siulitaasoq: Jacob Abelsen jacob@abelsen.gl

Siulitaasoq tullia: 

Allatsi: Elise Kielsen

Aningaaserisoq: Kirsten Nielsen

Ilaasortut: Erika N. Baadh og Kelly Berthelsen

Sinniisussat: Kenneth Høegh

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP

Qaqortumi atornikuerniarfik

”Uffartarfikoq”
Postboks 448
Simiiaat
3920 Qaqortoq

Ammasarfii:
Pingasunngorneq, sisimanngorneq aamma tallimanngorneq 15.00 – 17.30
Arfininngorneq 10.00 – 13.00

Immikkoortortaqarfik Qaqortoq

 

Kalaallit Røde Korsiata Qaqortumi immikkoortortaa pilersinneqarpoq 11. januar 2005 Qaqortumi Sømandshjemimi.

Siulersuisut:

Siulittaasoq Tove Blidorf

Siulittaasup tullia Henrik Sand

Allatsi Lasse Davidsen

Aningaaserisoq Kirsten Nielsen

Siul. ilaasortaq Simon Simonsen

Sinnisut Lone Lytken-Petersen, Thomas Valentin

Kukkunersiuisut Kenneth Høeg , Akisooq Isaksen

Siulersuisut siullernit maannamut suli issiapput Kirsten Nielsen kiisalu Tove Blidorf.

Suliassat siullerpaartarinikuuaat atornikuerniarfeqalernissaq, tamannalu marts 2005-mi pilersinneqarpoq.

 

Qaqortumi atornikuerniarfik

Pisiniarfik Storesøvejimi uffartarfitoqqami inissisimavoq.
Aallartinnermi sapaatip akunneranut ullut tallimat ammasarpoq, ataasinngornermit tallimanngornermut ualikkut nalunaaquttapb akunneri marluk arfininngornermilu ullup qeqqata siorna nalunaaquttap akunneri pingasut.

Aallarteqqaarnermi kajumissutsiminnik suliaqartut tamarmik suliffeqarput, taamaattumik ualikkut ammasariaqartarsimalluni.
Ukioq 2012 pingasunngornermit arfininngornermut tamatigut nalunaaquttap akunneri pingasut ammasarpoq.
Aallartinnermi ukiut siulliit kaaviiaartitat kr. 90.000 missaaniittuarsimapput, 2011-mili kr. 60.000-nit annertunerungaarsimanngillat.

Kinguariarneq, pingaartumik 2011-mi pisoq isumaqarpunga illoqarfimmi suli tamani atornikunik tuniniaaneq nuannarineqaleraluttuinnarsimammat, minnerunngitsumillu Kommuni Kujalleq piitsuunerulingaatsiarsimaneranit pissuteqartoq.

 

Røde Korsip ullua

2006-miilli, (2011 minillugu) immikkoortortaqarfiup Røde Korsip ullua Katersortarfimmi annertuumik suliniuteqartarnermigut malunnartitsisarpoq.

Atisanik takutitsisoqartarpoq, akitsorterussisoqartarluni, ikiueqqaarnermik takutitsisoqartarluni, te/kaffe-nik tuniniaasoqartarluni, atornikunik akikilliisoqartarluni Kalaallit Røde Korsiallu pillugu paasissutissiisoqartarluni.

Aaqqissuussinernut tamakkununnga siulersuisut GU-mi Niuernermullu Ilinniarfimmit annertuumik ikiorneqartarsimapput. Taamatullu illoqarfimmit ataasiakkaanik kajumissutsiminnit ikiuuttunit ikiorneqartarlutik.

Immikkoortortaqarfiup 2008-miilli ikiueqqaarnermut pikkorissartitsineq tamanut ammasoq nalunaaquttallu akunnerini 24-ni sivisussusilik ukiut tamaasa neqeroorutigisarpaa. Pikkorissarnermi inuit ataasiakkaat suliffeqarfiillu sulisukitsut tassuuna inuit peqataasut ataasiakkaat akiliutaannik akiliillutik peqataatitsinissamut periarfissaqartarput

 

Sociale aktiviteter

2011-mi nerisitsisarneq aallartinneqarpoq, aallaqqaammut aaqqissuussineq ataasiaannartumik aallartinneqarpoq, 2011-2012-mili ukiuunerani immikkoortortaqarfiup inunnut suliaqarnermini aalajangersimasumik ingerlatarineqalerluni.

Inunnut pissakinnerusunut kiserliortunut sapaatip akunneranut ataasiarluni nerisassanik kissartunik sassaallertoqartarpoq.
Inunnik sammisaqartitsinerit aappaat tassaavoq ukiumoortumik ilaqutariinnut meerartalinnut Katersortarfimmi orpiliartitsisarneq.

 

 

Sammisassaqartitsineq una aallartippoq qallunaat nunaanni suliffeqarfiup KRK aqqutigalugu tunissutissanik aningaasaleerusunneratigut.

Illoqarfimmiut tapiissuteqartarput juullilernerani, annikinnerusumik annertunerusumilluunnit ajunaarneqartilluguluunnit pisissutissanik. Taamatullu tapiissutit assersuutigalugu meeqqat ataatsimoorlutik angalaqatigiinnerminni kaasarfimmiussaannik.

Ukiuni arlalinni orniguttarfik juullip qaammataani juullimut atortussanik pisiniarnissamut sapaatip akunneranut kr. 1.000-nik tapiiffigineqartarpoq.
Inuit ataasiakkaat nappaammik annertuumik eqqorneqarsimasut inissaminnut namminermut ilaqutaasulluunnit angalanissaannut tapiisooqartarpoq.

 

Immikkoortortaqarfik nunarsuatsinni ajunaarnersuarnut annertuunut katersuiniarnernut peqatjuaannarpoq. Sumiiffimmi sammisaqartitsinikkut, illut naasarlugit katersuiniarnikkut bingortitsinikkulluunnit.

2005-miilli aasaanerani tammaarsimaartitsinerit marluk Qaqortumi ingerlanneqarnikuupput.
Taamatuttaaq ukiut tamaasa meeqqat illoqarfitsinninngaanneersut illoqarfinni allani aasaanerani tammaarsimaartarnerni peqataatinneqartarput