Siulersuisut nuannaaqalutik aprilip tallimaani ataatsimiipput ataatsimeersuartoqariitsiarnerani martsip aappaani ukioq una.

????????????????????????????????????

Aase Nygaard, Iben Bihl Jørgensen, Lissi Olsen, Anette Jørgensen, Lea Heuser, Bea Platou og Vivi Wennerfeldt

Nuannaarutaasunut ilaanngitsuunngillat 2015´mi KRK´mi kaaviiaartitagut rekordiliillutik 1.241.000 kr.´simammata tassa 2014´mut sanilliullugit 195.000 kr.´ninik amerlanerullutik.

Annertoorujussuartut taaneqarsinnaapput, eqqarsaatigigaanni nioqqutissaatitta akitigut 50 kr sinnerpaallaarneq ajoraat. Nuummi innuttaasuniik suli sorpassuarnik tigooqqaasarpugut tunisaqarnerujussuarmut pisuupput kajuminnertik tunngavigalugu sap.ak. tamaasa akunnerpassuarni pisiniartitsisuusartut.

Ukiumoortumik iluanaarutit 690.000 kr´ngajaapput. Taakkunannga inuusanik Inuk Inuunamillu tuniniaanikkut immikkut 84.000 kr. ´ningajaat isertissimavagut. Inuusat Aase Nygaardimit Noele Simönimillu nuersarneqarsimapput. Aase Nygaard oqaluttuarpoq ullormut inuusat marluk nuersarlugit angumerisinnaasarlugu. Inuusanik tuniniaanikkut isertitat tamakkerlugit angerlarsimaffeqanngitsut nerisinneqartarnerannut nakkartinneqartarput.

KRK Nuuk Kofoeds Skolemik suleqateqarpoq, NO Ini (angerlarsimaffeqanngitsut peqatigiiffiat), Frelsens Hærilu, suleqatigiinneranni nerisitsisarnerup saniatigut ilaavoq atuisut atornikuerniarfimmiik atisartaarlutillu kamippattaarsinnaasarnerat.