Håndtryk på samarbejdeJanuar 2016

 

Asasagut ilaasortat

Kalaallit Røde Korsiata qutsavigerusuppaasi ukiumi qaangiuttumi tapersersuisimanissinnut eqqaasikkumallusilu akileeqqinnissamut piffissanngoqqittoq. Akiliissutissaq ilanngussaq takuuk.

Immikkoortortaqarfinnut atornikuerniarfinnullu
Ilulissani, Sisimiuni, Maniitsumi Nuummi Qaqortumilu immikkoortortaqarfitsinni namminersorlutik sulipput Kalaallit Røde Korsiat maleruaqqusai ileqqoreqqusaalu arfineq-marluusut tunngavigalugit. Kajumissusertik tunngavigalugu sullissisut atornikuerniarfinnut tunnnganeruvoq taakkunanimi sinneqartoorutaasartut inunnik sullissinermut atorneqartarmata.

Ikiueqqaarneq
Ikiueqqaarinninneq Kalaallit Røde Korsiata ingerlatsinerani qitiulluinnarpoq. Ikiueqqaarinninnissamut pikkorissaatitsisarnerit nukissanitsitsisarput KRK´mi sullissinermi inulerinikkut iluaqutaalluartarmat. KRK´p akisussaaffigaa ikiueqqaarinittartussanik ikiueqqaarinninnermilu ilinniartitsisinnaasartussanik pikkorissaasarnissartik.

Aasaanerani tammaartitsisarneq
2015´mi aasaanerani tammaarsimaartitsineq Ilulissani ingerlanneqarpoq, meeqqat 15´t inersimasullu arfinillit peqataaffigisaannik. Angallassinertaata ilaa AUL´p aningaasaliinerata saniatigut tammaarsimaartitsinermut aningaasaateqarfiit arlallit tapiissuteqarput.

Siulittaasoq nunalu tamakkerlugu siulersuisut.
Siulersuisut 2015´mi ilaannakuusimapput ilaasortaq ataaseq sulinngiffeqarumalluni qinnuteqarnikuummat. Siulittaasoq aningaasalerisorlu Nuummi najugaqartuupput. Siulersuisuunerit ataatsimiinneranni immikkoortortaqarfinni siulittaasut peqataasinnaatitaasarput. Ataatsimiinnerit skypekkut ingerlanneqartarput.

Allaffik
Allaffissornikkut pisortaq suliassarpassuaqarpoq: nuna tamakkerlugu siulersuisuunerni kiisalu ikiueqqaarinnermut ataatsimiititaliami allattaavoq, immikkoortortaqarfinnut ikorfartuisuuvoq, INUA´ta aningaasaqarneranut akisussaasuuvoq, ”viceværtiuvoq” kiisalu sumulluunniit attaveqaratik ikiortaasartunut kajumittunut attaveqaataalluni. Kattuffinnut inunnik sullissisunik katersortitsineq suleqateqarnerlu qangali anguniagaasimasoq siunertaasimasorlu Ole´s Varehusikumi atugarissaarnartumut inissillutik piviusunngornikuupput tassami kattuffiit assigiinngitsut tallimat illup iluani ataatsimuulernikuummata.

KRK-INUA
”Inuusuttut Inuusoqamminnik Ikiuisut” pilersaarusiorlugu sammisassiarineqarsimasoq massakkorpiaq Nuummi, Ilulissani, Qeqertarsuatsiaani, Sisimiuni Aasiannilu sammisaqartitsiviupput URK suleqatigalugu aningaasannanniaqatigiipput INUA´ta siunissami ingerlaannarnissaa qulakkeerniarlugu immikkoortortaqarfitsinni tamaginni sammisassatigut neqeroorutit amerliniassammata siaruartinneqarnissaallu sulissutaasarniassammat. Pilersaarusiorlugu sammisassiaq taanna aningaasaateqarfinniik tapiissutinik ingerlasuummat.

Røde Korsip iluani suleqateqarneq.
KRK´p Røde Korsip Inuusuttaanik kiisalu Qallunaat-Nunaanni Røde Korsimik suleqateqarnini ingerlateqqippaa. 2015´mi pisortatigoortumik Islandimi Ræde Korsi suleqatigilerpaa kiisalu pisortatiguunngitsumik Savalimmiuni Røde Korsimik suleqateqarsimalluni. Taakkulu iliuutsit Nunani Avannarlerni suleqateqarnerulersinnaanissamut periarfissanik ammaassisuupput.

Assigiinngitsutigut tapiinerit nunatta iluani avataanullu pisimapput.
KRK´mi pisarnerit malillugit nunarsuarmi ajutoornersuaqartoqartillugu tapiissuteqartarnerput ileqqorput nangissimavarput. 2015´mi taamaalilluta Nepalimi ajutoornersuaqarmat tapiinitta saniatigut Europamut qimarngusorpassuit tapiissuteqarfigisimallutigit. Nunap iluani aningaasaateqarfitsinniik sillimaniarnikkut tapiissutaasartuniik Tasiilami piterallarmat ajutoortunut tapiissuteqarsimavugut. Immikkoortortagut 2015´mi assigiinngitsunik sammisaqartitsisimapput, minnerunngitsumik juullip qaammataani, juullimut tunngatillugu assigiinngitsutigut tapiissuteqartoqarneratigut. Taamaattoq tapiissuteqartarnissaq ukioq kaajallallugu pisariaqartuartarpoq. Tamannalumi sapinngisaq tamannguat immikkoortortaqarfitsinni eqqumaffigineqarpoq nukissat naapertorlugit aallussamik.

www.krk.gl.´mi KRK´mi sammisat suuneri suliallu ingerlassat suuneri paasisaqarfiginerusinnaavatit kiisalu immikkoortortaqarfitsinni Qaqortumi, Nuummi, Maniitsumi, Sisimiuni Ilulissanilu kajumminnertik tunngavigalugu sullissisorpassuisa suliaat assigiinngitsut iserfigisinnaallugit paasisaqarfigalugillu. Saniatigut Facebookimi KRK INUA´lu malinnaaffigisinnaavatit.

Kinaluunniit arlaatigut ikiuutaasimasoq qutsavigerusupparput, ilaasortaanikkut, kajuminnikkut sullissinikkut, aningaasatigulluunniit tapiissuteqarsimasimasunut. Suli pisariaqartippatsigit inunnik sullissinitsinnik ingerlatsiniassagutta atorfissaqarteqaatsigit.

Tove Blidorf

Nuna tamakkerlugu siulittaasoq

 


 

 

tove blidorf hjJanuari 2015

 

Asasakka ilaasortagut

Kalaallit Røde Korsia qujassuteqarumavoq 2014-mi tapersersuinissinnut unalu akiligassaq akiliiffissanngorneranik eqqaasitsissutitut ilanngullugu nassiupparput.

2014 ukiut allat assigalugit aamma pissanganartooqqissimavoq unammisassarpassuaqarlunilu
Immikkoortortagut.
Tallimanik ingerlajuarsinnartunik suli illoqarfinni ukunani immikkoortortaqarpugut: Ilulissani, Sisimiuni, Maniitsumi, Nuummi Qaqortumilu.
Immikkoortortagut namminersuutigalugu, Kalaallit Røde Korsiani ileqqoreqqusat tunngaviusullu arfineq-marluk malillugit, suliaminnik ingerlatsipput.

Ikiueqqaartarneq
Ikiueqqaarneq Kalaallit Røde Korsiata sulinerani pingaaruteqarnernut ilaavoq.
Ikiueqqaarnikkut suliniutit sammisaqartitsinerillu isertitaqaataalluarlutillu inunnik sullissinermi iluaqusersuutaaqaat. Timikkut tarnikkullu ikiueqqaarnermik pikkorissaanerit KRK-mut pingaaruteqaannaratik nunarput tamakkerlugumut iluaqusersuutaapput.

Aasaanerani tammaarsimaartitsisarnerit
Nuna tamakkerlugu peqataaffigineqartumik aasaanerani tammaarsimaartitsisarnerit 2014-mi Qaqortumi ingerlanneqarput, meeqqanik 18-ninik inersimasunillu arfineq-pingasunik peqataatitaqarluniPisarnertut 2014-mittaaq AUL-mit aningaasaliiffigineqarnermigut pivoq saniatigullu aningaasaateqarfinniik assigiinngitsuniik taamattaaq tapiiffigineqarpoq.

Atornikuerniarfiit
Sineriak tamakkerlugu aningaasaalatsitsisoqqarnera atornikuerniarfinnittaaq malunniuppoq. Piffinnili isertitat inunnik sullissinissamut periarfissanik aammaassisuupput.
Nuummiittoq atornikuerniarfik nuannarineqaqaaq pisiniarfigilluarneqaqalunilu, kajumillunilu sulisunut suliffigissallugu pilerinarluni.

Allaffik
Ole Varehusikup qulaa allaffiliarineqarnikuuvoq, ataatsimiittarfik kiisalu qarasaasiakkut suliffiusinnaasumik aamma pilersitsisoqarnikuuvoq. Kalaallit Røde Korsiakattuffinnut/peqatigiiffinnut kajumissutsimikkut sullissiffiunut ininik attartortitsisarpoq. Tamannalu aammattaaq siunertaqarpoq taakkinnga nunatsinni inunnik sullissinerup iluani suleqateqarnerulersinnaanissamik kissaateqarnermik eqqaasaateqarneq.

Siulittaasoq
Siulittaasoq 2014-mi Nuummut nuuppoq. Tamatuma kingunerisaanik Nuna Tamakkerlugu Allaffimmi qanimut suleqateqarsinnaalerneq kiisalu sinerissami ukiorpassuarni najugaqarsimanini iluaqusersuutigalugu immikkoortortaqarfinnut qanimut attaveqarluarsinnaalluni.

Pilersaarusiorlugit qulequttanik aaliangersimasunik sammisassaqartitsiviit
Pilersaarusiorlugu sammisassaqartitsivik ”Inuusuttut Inuusuttunik Ikiuisut” INUA ineriartorluaqaaq. Willumfondemiik tapiissutit 5 mio.kr. atorlugit amigaateqarfiunngitsumik ingerlassisoqarpoq allaat immikkoortortanik piffinni ukunani INUA-immikoortortanik ammaasinnaasimalluta: Qeqaertarsuatsiaani, Ilulissani Aasiannilu.

Sinniisutut aallartitat ataatsimeeqatigiinnerat
Novemberiugaa Nuummi sinniisutut aallartitat ataatsimeeqatigiimmata, nuna tamakkerlugu siulersuisunik qinersisoqarpoq.
KRK pillugu paasisaqaqqikkusukkuit www.krk.gl. facebookimilu malinnaaffigitigut.

Quppernerni taakkunani malinnaaffigiuarsinnaavatit KRK-mi pisorpassuit sullissinerujussuillu kajumissutsimikkut sulisut KRK-p immikkoortortaqarfinni tamaginni suliatigut ingerlassarpassui malinnaaffigisinnaavatittaaq.

.Qutsavigerusupparput kinaluunniit arlaatigut tapertaasoq, ilaasortaappat, kajumissutsimigut sulisuuppat aningaasaliisuuppalluunniit, assigiimmik qutsavigerusupparput. Illeqanngippammi inunnik sullissinigut ingerlassinnaassanngikkaluarpagut.
Inussiarnersumik Inuulluaqqusillunga

Tove Blidorf

Suilitaasoq

 


 

IMG_0861Suliniaqatigiiffiit naalakkersuinikkut attuumassuteqanngitsut, NGO Nuummi ”Oles Varehus”-imi ataatsimut allaffeqalerput

December 2012-mi Kalaallit Røde Korsiat siusinnerusukkut niuertarfiusimasumi ”Ole Varehus”-ip attartornissaanut neqeroorfigineqarami sivikitsuinnarmik eqqarsaatigaa.
Nuummi immikkoortortaqafiup kissaataasa annerpaartaraat illoqarfiup qiterpasissuani nutaamik atornikuerniarfittaarnissani. Illoqarfiup qiterpasissuani nutaamik inissisimaffittaarnerup kingunerisimavaa atornikunik tunniussisarnerup, taamatullu kaaviaartitsinerup 25 %-mik qaffariarsimanera.

Inini quleriaani qulleq annertuumik allanngortiteriffigineqarpoq, tassanilu Kattuffiit suliniaqatigiiffiillu arlaqartut attartorumallutik nalunaaruteqareersimapput.
Anguniarneqarpoq allaffeqarfittut, ataatsimiittarfilittut/pikkorissartarfilittut suliarineqassasoq, tamatumalu saniatigut suliniaqatigiiffinnut naalakkersuinikkut attuumassuteqanngitsunut, soorlu Unnuarissanut allanullu ataatsimiiffissamik pisariaqartitsisunut attartorneqarsinnaanera.

Ullumikkut KRK INUA (inuusuttunut siunnersorti), Neriuffiit, Forening Grønlandske Børn, Inatsisitigut ikiuisarfik IKIU, Transparency Greenland peqatigalugit allaffeqarfiit ataatsimiittarfillu nutarterneqarsimasoq nuuffigaat.

Allaffeqarfissamik nutarterineq piviusunngorsinnaasimavoq Kalaallit Røde Korsianut suliffeqarfiit assassornermik suliallit annertuumik akikilliliinikkut tapersersuisunik suliaqarnerisigut.

Makkulu eqqaaneqarsinnaapput:

Permagreen, Arssarnerit, Nuuk VVS, Nuuk Gulvservice, Nuuk Byg, SBS Consult kiisalu Piorsaavik.
INI-p pequtinut utaqqiisaasumik inissiivimminnit ataatsimiittarfimmut atugassanik ammaassisimapput, STARK atortussanik akikillisaminnik tunniussisimapput, Usissaat akikilliingaatsiarluni nutserinermik isumaginnissimavoq kiisalu asaanermik suliffeqarfik ULO allaffeqarfimmik tamakkiisumik asaanermik, taamatullu perusuersartarfimmi pappiliaasivimmik tunissuteqarpoq.
Kiisalu Tele Greenland allaffeqarfimmi atuisunut akeqanngitsumik internetikkut attaveqarnissamik tunniussisimalluni.
Kalaallit Røde Korsiata qilanaaraa siunissami aggersumi suliniaqatigiiffiit kattuffiillu suleqatigiinnerulernissaat, neriuutigineqarporlu ”Oles Varehus” tassaassasoq suliniutinut assigiinngitsunut pissanganartunut aallaaviujumaartoq.

 

                   

IKIUUTTARTUNNGORIT_UP

Ilaasortanngorit_UP

 

 

Facebook-ikkut malitsiut

FB_KNAP

 

Røde Kors pulaaruk

DRK_KNAP