KRK MediDyne Danmarkimiittoq suleqatigalugu Kalaallit Nunaanni Zoll AED Plus-inik siammarterineq tuniniaanerlu isumaqatigiissutigaat.

AEDPlus_TrykHårdere

Tamatuma kinguneraa Heart2startimik suleqatigiinnerup taamaatinnera. KRK-p uummammut aallartitsiniutit 60 missaanniittut nunatsinni ulloq manna tikillugu tunineqarnikuusut pillugit kiffartuussinini ingerlatiinnassavaa.

Zoll AED Plus-imik salliutitsilluni toqqaaneq assigiinngitsunik peqquteqarpoq:

  • Zoll AED Plus Kalaallit Nunatsinni suliffeqarfinnit anginerusunit pisiarineqarnikuugami ilisimaneqalereernikuuvoq.
  • Zoll AED Plus lithium-mangan batteriit ukiuni 5-ni piusinnaasut taarseruminartullu atorpai.
  • Zoll AED Plus uummammut aallartitsiniummi assitalinnik ikiueqqaartumit malitassanik iliuusissanik tamanik ilitsersuisarpoq
  • Zoll AED Plus pisiarinerani akikinneruvoq taamaattumillu tuniniaqqinnerani aamma akikinnerulluni

AWG 2016-imut atatillugu KRK-p kommunimi immikkoortortat 10-t uummammut aallartitsiniummik Zoll AED Plus-imik pilersorpai.

krk@krk.gl –imut saaffiginnillutit imlt. 32 18 00-imut sianerlutit pisussaaffiliinngitsumik neqeroorusioqqusigit.