Tarnikkut ikueqqaarnermi ilitsersuisunngorit

Tarnikkut ikueqqaarnermi ilitsersuisunngorit

Kalaallit Røde Korsiat 1993-imili nunatsinni kisiartaalluni ikiueqqaarnermi pikkorissaasarpoq.
Ukuninnga imaqarluni: pikkorissaanermi atortunik ineriartortitsineq, ilitsersuisunik pikkorissaaneq,
pikkorissaanissanut pilersaarusiornerit, ikiueqqaarnermilu pikkorissaanerit, sumiiffinni nunalu tamakkerlugu ingerlanneqartartuni. Maannalu pikkorissaasarnerit ilaqqipput tarnikkut
ikiueqqaarnermi ilitsersuisutut pikkorissarnermik.

Ikiueqqaarnermi ilitsersuisutut pikkorissarnerit professionalimik pikkorissarnerupput

Ikiueqqaarnermi ilitsersuisutut ilisimasat ineriartornermut malinnaatinnissaat piumasaqaataavoq,
taamatullu ilitsersuisuuinnarnissamut pikkorissarnernut peqataasarnissaq ukiut tallimakkaartunut.

Siunertaq

Pikkorissaanerup siunertaraa peqataasut makkuninnga tuniorarneqarnissaat: ilisimasanik,
piginnaasanik isummanillu, ilitsersuisunngortissallugit inersimasunut, – aliasuuteqartunik
ajornartoorfeqartunillu attaveqarsinnaalersillugit.

Anguniagaq

Pikkorissaanerup naammassinerani peqataasut siammasissumik ilisimasaqarfigilersimassuaat:

  • Aliasunneq, puullaaqinermi – ajornartorsiornermilu teori tunngaviusumik
    ilisimasaqarfigilersimassallugit.
  • Nunatsinni sumiiffinni assigiinngitsuni pissutsit misilittakkallu aliasunnernut,
    puullaaqinermut ajornartorsiornermullu tunngasut.
  • Timimut sunniutaasartut aliasunnermi, puullaaqinermi ajornartorsiornermilu.
  • Ileqqussanut tunngaviit inunnik ajornartorsiuteqartunut oqaloqatiginninnermi.

Taamatuttaaq siammasissumik paasisaqarfigineqassapput:

  • Ajornartorsiornerit imarisaat ingerlarngilu
  • Allanut attavissaqarnissamik pisariaqartitsisarneq

Pikkorissareernermi peqataasut atorsinnaalersimassuaat pikkorissaassutingalugulu “Tarnikkut
ikiueqqaarneq”.

Kalaallit Røde Korsiani / Dansk Røde Korsimi ilitsersuisutut makkua pissarsiarissuatit:

  • Suliffinni tarnikkut ikiueqqaarnermi pikkorissaasinnaavutit.
  • Ilitsersuisut korpsianut peqataalissuutit, KRK-mullu tarnikkut ikiueqqaarnermi
    pikkorissaasinnaalerlutit.

Sivisussusaa:

Pikkorissarneq ullut sisamat ingerlanneqassooq, katillugit 30-it tiimit

Peqataasussanut naattorsuutit:

Ajornartorsiornermi puullaaqinermilu teori tunngaviusumik ilisimasaqarfiginissaa taamatuttaaq
suliffeqarnermi misilittangaqarfiginissai. (soorlu sygeplejerske, socialrådgiver, pædagog,
qatserisartoq, porttørredder, ikiueqqaarnermi ilitsersuisoq assigisaalluunniit.)

  • 21-ileereersimanissaq
  • Inersimasunik atuartitsinermik misilittagaqarnissaq

Ikiueqqaarnermi udvalgip siulittaasua immikkut ittumik akuersisinnaavoq piumasaqaatigineqartut
avataatigut.

Pikkorissarnermi peqataasut amerlassusissaat: 20

Pikkorissarneq misilitsinnermik naammassineqassooq. Uppernarsaatinik agguaasoqassooq.

Aningaasaqarneq

Pikkorissarneq 12.500 kr-inik akeqarpoq tassani atortut nerisaqarnerlu ilaareerput.
Pikkorissarnerup allartinnginnerani siumoortumik akiliisoqareersimassooq. Peqataanissamut
nalunaarsimaneq unitsiinnarneqarsinnaanngilaq.

Peqataasussap imaluunniit sulisitsisup angalaneq ineqarnerlu akilissuaa.
Nuup avataani pikkorissaasoqassappat, pikkorissarnissamik qinnuteqartup ilitsersuisup angalanera
ineqarneralu akilissuaa.

Pikkorissarnermi aqutsisoq

Olav Øfverlind Pedersen, sygeplejerske, MCN og stresscoach.
Tarnikkut ikiueqqaarnermi, ikiueqqaarnermilu ilitsersuisutut ilinniarsimasoq Dansk Røde Korsimi
KRK-milu.
Ikiueqqaarnermi ataatsimiitsitaliami ilaasortaq.

Ilitsersuisussat:

Julie Senderowitz Bendtsen,politikommissæri
Ikiueqqaarnermi ilitsersuisutut ilinniarsimasoq KRK,
Ikiueqqaarnermi ataatsimiitsitaliami siulittaasoq.

Ole Bourup, Ilitsersuisoq
Ikiueqqaarnermi ilitsersuisutut ilinniarsimasoq KRK,
Ikiueqqaarnermi ataatsimiitsitaliami ilaasortaq.

Pikkorissarneq qallunaatut ingerlanneqassooq, eqimattanili sulinerit qallunaatut kalaallisulluunniit
ingerlanneqarsinnaapput.
PK-mi ilaasortat kursusfondenimut qinnuteqarsinnaapput.

Ikiueqqaarnermi ilitsersuisuuvit?

Illit ikiueqqaarnermi ilitsersuisutut akuerisaasimaguit , pikkorissarnermi ulloq siulleq akeqassanngilaq:

Pikkorissarneq: 4. – 6.03    akia: 10.000 kr.

 

Pikkorissarnissamut immersugassaq kakkiullugu nassiunneqarsimassooq KRK-mut 03.02.20-
inngortinnangu.

 

Rikke Bruun de Neergaard
Ikiueqqaarnermi ataatsimiitsitaliami sekretæri

Hent ansøgningsskema