Kalaallit Røde Korsiat pillugu
Kalaallit Røde Korsiat Dansk Røde Korsip ataani immikkoortortaqarfiuvoq 2008-mili aningaasatigut namminersulernikoq. Nuummi aallattoqarfeqarpugut sinerissatsinnilu illoqarfinni nunaqarfinnilu assigiinngitsuni immikkoortortaqarfeeraqarluta.
Røde Kors tassaavoq nunarsuarmi ikiuiniaqatigiiffiit annersaat
Ulluinnarni ikiuuttarpugut, ajunaarnersuaqarneranilu. Ikiueqqaarnermiit nunarsuup illuani sorsuffiusunut aamma ikiuuttarpugut.
–
Inuit 17 millioninit amerlanerit nunani 189-ni Røde Korsimi kajumissutsimik sulisuupput. Danmarkimi 25.000 missaaniipput.
–
Ukiuni 150-ini Røde Korsimi sulisarnitta sinaakkutai taakkuujuarput. Tassa ikiuisarpugut sumiuuneq, isikkoq, upperisarlu apeqqutaatinnagit.
–
Suliniaqatigiiffiuvugut partiinik politikkimilu illersugaqanngitsut, kisiannili sanngiinnerusut eqqorneqaratarsinnaasullu pillugit isummertarpugut.
