Kalaallit Røde Korsiannut ilaasortanngorit
Akiliillutit tapersersuisinnaavutit Kalallit Røde Korsiannilu ilaasortanngorlutit.
Toqqarsinnaavat girokortimik akiligassamik ukiumut ataasiarlutit pisarlutit imaluunniit kontomut 6471-76600-38-mut ikisisarsinnavutit.
Aningaasanik nuussinermi eqqaamassavat atit/suliffivit aqqa adressellu allannissaat.
Ilaasortanngorit immersugassaq immersorlugu. →
Ilaasortanngorit allanngueqataallutillu massakkut sumiiffinni nunanilu allani
Kalaalit Røde Korsianni Ilaasortaaneq
Kalaallit Røde Korsianni ilaasortatut nunatsinni nunanilu allani ikiuiniaqatigiinnerit tapersersorpatit, takutillugulu Røde Korsip tunngavii aamma atoritit.
Ullut tamaasa inuppassuit Røde Korsip ikiortarpai. Tunngavitta pingaarnerit ilagaasa kinaassusersiuinnginneq aamma isumaqatigiinngittoqartillugu illersugaqannginnerullu qulakkeertarpaa pisariaqartitsinerpaat ikiorneqarnissaat.
Ilaasortaanermut akiliutit inuinnarniillu tapiissutit Røde Korsimut pingaarutilerujussuupput, ikiuiniaqatigiiffimmi namminersortuugami.
Illit tapersersuiguit inuit nunatsinniittut suli amerlanerit ikiorsinnaavagut aamma nunani allaniittut.
Ilaasortanngoruit ataatsimeersuarnerni peqataasinnaalissaatit qineqqusaarsinnaalerlutillu.
Suliffeqarfittut ilaasortaaneq
Kalaallit Røde Korsianni suliffeqarfittut ilaasortanngoruit Nunatsinni nunanilu allani ikiuiniaqatigiiffiit tapersersorlugit takutissavat, Røde Korsillu tunngavii aamma illit atorsinnaallugit.
Ilaasortaanermut akiliutit allallu aningaasaliissutit Røde Korsip ingerlaneranut sunniutilerujussuupput, ikiuiniaqatigiiffimmi namminersortuuvoq.
Suliffeqarfittut ilaasortanngoruit Kalaallit Røde Korsiat isumaqatigiissuteqarfigisinnaavat soorlu: sammisaqartitsinerni aalajangersimasuni tapiisartutut imaluunniit ikiueqqaarnermi pikkorissaanerit illit suliffinni ingerlanneqarnissaanut tunngasut.
Ilaasortanngoruit ataatsimeersuarnerni peqataasinnaalissaatit qineqqusaarsinnaalerlutillu.
Kalaallit Røde Korsianni ilaasortanngornissamut peqqutissat pitsaasit arfineq-marluk
Røde Korsip suliniutai tamarmik tunngaviit arfineq-marluninngaaneerput. Ajunaarnersuaqartillugu imaluunniit arlaatigut ajoqusertoqarsimatillugu ikiuinermi tunngavigut taakkuujuarput.
