Kalaallit Røde Korsiata aaqqissuussaanera

Kalaallit Røde Korsiat Kattuffiuvoq demokratiskimik ingerlasoq, immikkoortortaqarfikkaartumik ingerlaavoq, immikkoortortaqarfiillu tamarmik immikkut siulersuisoqarput. Kalaallit Røde Korsiat Dansk Røde Korsip ataani immikkoortortaqarfittut namminersortutut inissisimavoq.

Ukioq ataaseq allortarlugu aallartitat ataatsimiittarput, immikkoortortaqarfinniit tamarmik aallartitaqarlutik. Taakkuuppullu KRK-mi ingerlatsinermi aalajangiisuusartut. Taanna taaneqartarpoq aallartitat ataatsimeersuarnerat, tassanilu siunissaq pillugu aalajangiisarput, malittarisassat allannguutissat aaqqittarpaat Nuna tamakkerlugulu siulersuisunik qinersisoqartarluni. Taakkulu ataatsimiinnerit KRK-mi aqutsinissamut tunngasut aamma suliarisarpat.

Allattoqarfipput – ulluinnarni Nuummi allattoqarfeqarpugut. Allattoqarfitsinni sulisut immikkoortortaqarfiit sullitarisarpaat saniatigullu ikiueqqaarnermi tuniniaaneq ingerlattarlugu kiisali kajumissutsimik sulisunut pikkorissaanerit.

Røde Kors Nunarsuarmi

Danmark ilanngullugu nunat 191-it Røde Korseqarput/Røde Halvmåne. Nunallu tamarmik Genevemi isumaqatigiissummut atsioqataanikuupput. Suliniaqatigiiffiit tamarmik nunaminnut sullissipput aamma nunarsuarmioqatiminnut ikiortariaqartunut ikiuisarput.

Røde Kors aamma Røde Halvmåne tamarmik ataasiupput. Nunarsuaq tamakkerlugu Røde Kors komteqarpoq (ICRC) taakkulu nunani aporaaffiusuni sorsuffiusunilu suliaqartarput. Genevemullu isumaqatigiissummi allaqqavoq ICRC nunani sorsuffiusuni nammineerlutik sulisarsinnaasut. ICRC 1863-imi pilersinneqarpoq allattoqarfeqarlunilu Genevemi.
Nunarsuaq tamakkerlugu suliniaqatigiiffiit kattuffiat Røde Kors -aamma Røde Halvmåne (IFRC) tassaaput nunani 191-ni kattuffigineqartoq. IFRC aamma ICRC suleqatigiillutik ajunaarnersuaqaraangat ikiuillutik sulisarput. Kattuffillu taanna 1919-mi pilersinneqarpoq.

Allattoqarfik

 

Kalaallit Røde Korsiat
H.J. Rinksvej Blok 3/007
Postboks 1630
3900 Nuuk

Oqarasuaat: 32 18 00
e-mail:  krk@krk.gl

Ammasarfiit:
Ataa – Tall. kl. 10.00 – 15.00

Siulersuisut

 

Siulittaasoq:

Mia Rosing Nilsson (Nuuk)

Siulittaasup tullia:

Nina Kreutzmann Jørgensen (Nuuk)

Aningaaserisoq:

Kunuunnguaq Olsen (Maniitsoq)

Siulersuisuni ilaasortat:

Mette Scharling Laursen (Maniitsoq)
Lisbeth Petersen (Maniitsoq)

Sinniisut:

Jens Peter Møller (Sisimiut)