Tarnikkut ikiueqqaarneq inooqataasutullu ikorfartuineq
Inuunerup ilaani tamatta inuttut aporfimmik aqqusaagaqartussaavugut kingunerluutaasumik. Assersuutingalugu napparsimarujussuarneq imal. Toqusoorneq, avinneq, ajutoorneq suliffissaaleqinerluunniit. Inuppassuit tassanngaannartumik aqqusaakkaminnik eqqartuiumasanngillat. Pisariaqartitsisorisanngillat paasineqarnissaminnik, tusarnaarneqarnissaminnik imaluunniit qanilaarneqarnissaminnik.
Taamaattumik Kalaallit Røde Korsiata anguniagaraa tarnikkut ikiueqqaarnermi pikkorissaasinnaasunik ilitsersuisussanik ilinniartitsinissaq. Taamaasilluta aliasuuteqarnerup inuttullu aporfeqarnerup suuneranik ingerlariaasianillu ilisimasaqalernissaq siammartissuarput, aammalu uagut inoqatitsinnut qanoq ikiuussinnaanerput ilisimasaqarfigilerlugu.
Tarnikkut ikiueqqaarnermi pikkorissaanerit siunertaraa ataasiakkaanut inuiaqatigiinnullu nukittorsaanissaq pisariaqartitsisoqartillugu. Tamatta ikiuussinnaavugut, qanorli ilisimanissaa pisariaqarpoq. Tamatta allannguisinnaavugut.
Paatsiveqannginnermi aaqqiisinnaavutit eqqarsaatinnik misigissutsinnillu oqaasinnguinikkut
Tarnikkut ikiueqqaarnermi ilitsersuisunngorniarneq paasisaqarneruffigiuk.
Paatsiveqannginnermi aaqqiisinnaavutit eqqarsaatinnik misigissutsinnillu oqaasinnguinikkut
Tarnikkut ikiueqqaarnermi ilitsersuisunngorniarneq paasisaqarneruffigiuk.
Misigisat oqimaatsut oqinnerulersarput allanik avitseqateqarnikkut
Tarnikkut ikiueqqaarneq pillugu paasisaqarnerugit uani.
Kikkut tamarmik ikiuisinnaapput
Kalaallit Røde Korsiani isumaqarpugut inuit tamarmik ikiuisinnaasut, akuersaarneq, tusarnaarluarneq, qanilaassuseqarnermik takutitsineq isumassuinerlu tassaapput tamatta inuttut pigeriikkavut annerusumik minnerusumilluunniit.
Kalaallit Røde Korsiannit pikkorissaasarnerni kissaatigaarput inuppalaartumik ikiuisarnissaq soorlu: akuersaarneq, eqqummaarinneq, qanilaassuseq, qanigisanullu isumassuineq qitiutillugit tupannartumik misigisaqartoqarsimatillugu ikiuuttarnissaq.
Pikkorissaanerup imaasa ilagaat oqaloqatigeeriaatsit sammineqarnerat, tassani nammineq misigisat aallaavigalugit oqaluttuartarput paasiniarlugu oqaluttuartoqartillugu qisuariaatigineqartut tarnikkullu ikiueqqaarnermik pisariaqartitsisut qanoq ittarnersut.
Kinaluunniit kingunerlutsitsileruni kisimiissanngilaq.
