Kalaallit Røde Korsiata oqaluttuassartaa
Dansk Røde Kors sivisuumik Kalallit Nunaanni ikiuerusullutik perusuttarsimapput, aatsaalli 1949-mi Danks Røde Korsimi aalajangersimapput Nunatsinni pingasunik meeqqanut ulloq unnuarlu angerlarsimaffiliussasut taamanilu suliniummut 700.000 kr immikkoortissimavaat. Nuumi, Aasianni Qaqortumilu meeqqat angerlarsimaffiinik sanasoqarpoq. Taamani angajoqqaat tuberkoluserlutik toqusimasut meeraanut angerlarsimaffissaanik sanatitsipput. Meeqqat angerlarsimaffii 1967-mi naammassimmata Landrådimut tunniunneqarput.
1973-mi Dansk Røde Kors aalajagerpoq ikiueqqaarneq ingerlatilissallugu. Taamanilu atortussat nunatsinnut tulluarsarneqarput nutserneqarlutillu. Ukioq taanna peqqissaasut 20-it ikiueqqaarnermi ilitsersuisutut ilinniartinneqaput naammassillutillu.
1970-ikkut ingerlanerannili Røde Kors illoqarfinni assigiinngitsuni immikkoortortaqarfeqalerpoq 1992-milu aalajangerneqarpoq Kalaallit Nunaat nammineq atsikkaminnik immikkoortortaqarfeqalissasoq atserlugulu Kalallit Røde Korsiat.
Kalaallit Røde Korsiat pilersinneqarpoq septemberip 5-ani taamanili Dansk Røde Korsip ataani immikkoortortaqarfittut ingerlalerpoq.
