Kajumissutsiminnik
suleqataasoq KRK-mi

Nunarsuarmi ikiuiniaqatigiiffiit annersaasa ilaannut peqataalerit, allannguinermullu annertuumut peqataallutit sumiiffinni nunarsuarmilu.

Nunarsuarmi ikiuiniaqatigiiffiit annersaannut tikilluarit

Nutaatut aallartikkuit Kalaallit Røde Korsianni kajumissutsimik sulisumik oqaloqateqassaatit. Tassani eqqartussavasi kajumissutsimik sulinermi naatsorsuutisi periarfissasilu.
Aqutsisup paasitissavaasi suliffigerusutanni susoqartarnersoq, illillu qanoq Røde Korsip immikkoortortaqarfianut qanoq tunniussaqarsinnaanersutit.

Oqaloqatigiinnersi naammassilerussiuk kajumissutsimik sulinermi isumaqatigiissummik atsiussaasi isumaqatigiillusiluunniit. Isumaqatigiissummi allaqqassaput suleqatigiinnermi suut naatsorsuutigineqarnersut aamma paasissutissat ilinnut tunngasut toqqussavagut arlaannik neqerooruteqalissagutta aamma illit neqeroorfigineqarsinnaaniassagavit. Paasissutissat ilinnut tunngasut allanngussappata eqqaamagiuk allannguutit oqaatiginissaat.

Kalaallit Røde Korsianni kajumissutsinnik sulileruit naatsorsuutigisinnaavat:

  • Tigulluarneqarumaarlutit kissaativillu naaperiarneqarnissaat
  • Qulakkiissagipput sammisassaqartitsivimmi aqutsisumut attaveqaateqarnissat.
  • Røde Korsip nunatsinni nunarsuarmilu suliaanik paasitinneqarnissat
  • Toqqissisimanartumik sulininni avatangiiseqarnissat Ajutuunnginnissallu
  • Røde Korsimit tigulluarneqarnissat pikkoriffivillu atornissaanut inissaqartitsisunut.

Kalaallit Røde Korsiata naatsorsuutigivaa illit:

  • Inuit pisariaqartitsisut ikiornissaannut peqataassasutit
  • Røde Korsip tunngaviinut ataqqinnissasutit.
  • Ilisaritinnissannut piffissaqassasutit
  • Sinaakkutit malitassallu malissagitit
  • Kajumissutsimik suliffissi avatangiisaasa toqqissisimanartuunissaanut suleqataallusi.
  • Inerisaaqataassasutit suliffissanni isumassarsiatit, nalunngisatit pikkoriffitillu atorluartassagitit.
  • Arlaatigut aporfeqartillugu sammisassaqartitsinermi aqutsisumut attaveqartarnissaq, imal. Suliassat naatsorsuutigisanniit allaanerussappata, ataatsimoorlusilu iluarsiissutaasinnaasunik isumaqagiillusi.
  • Kalaallit Røde Korsiannut naleqartitatsinnullu nittarsaassilluarlutit.

Røde Kors inunnik ikiuiniaqatigiiffinni Nunarsuarmi annerpaat ilaanniippoq, kajumissutsimillu sulilluni periarfissarpassuaqarpoq.

Kinaassusersiunnginneq

Røde Korsi ikiuisarpoq sumiuuneq, ammip qalipaataa, upperisaq, isumaliortaaseq, inuiaqatigiinni inissisimaneq, politikkikkulluuniit isummat apeqqutaatinnagit. Røde Korsip noqqaassutigiuarpaa inuit naalliuutaannik atoruminarsaaffigineqarnissaat pisariaqartitaallu tamatigut kisiisa aallaavigisarlugit atugarliornerpaatullu inissisimasut ikiuinermi siulliunneqartarlutik.