Tarnikkut ikiueqqaarnermi ilitsersuisunngorit
Kalaallit Røde Korsiani isumaqarpugut inuit tamarmik ikiuisinnaasut, akuersaarneq, tusarnaarluarneq, qanilaassuseqarnermik takutitsineq isumassuinerlu tassaapput tamatta inuttut pigeriikkavut annerusumik minnerusumilluunniit.
Kalaallit Røde Korsiannit pikkorissaasarnerni kissaatigaarput inuppalaartumik ikiuisarnissaq soorlu: akuersaarneq, eqqummaarinneq, qanilaassuseq, qanigisanullu isumassuineq qitiutillugit tupannartumik misigisaqartoqarsimatillugu ikiuuttarnissaq.
Siunertaa
Pikkorissaanermi siunertaavoq peqataasut paasissutissanik tuniorarneqassasut, paasissutissat piginnaasanut, isummertaatsinullu tunngasut inersimasunut ilinniartitsinermi atorneqarsinnaasut, inuit aliasuutillit, stressertut, arlaatigullu pisoqareernerani qisuariaateqarsimasut qanoq ikorfartorneqarsinnaanersunut tunngasut.
Pikkorissaanerup imaasa ilagaat oqaloqatigeeriaatsit sammineqarnerat, tassani nammineq misigisat aallaavigalugit oqaluttuartarput paasiniarlugu oqaluttuartoqartillugu qisuariaatigineqartut tarnikkullu ikiueqqaarnermik pisariaqartitsisut qanoq ittarnersut.
Anguniagaq
Ilinniarnerup naammassinerani peqataasut nalunngisaqarfigilersimassavaat:
- Tunngaviusumik nalunngisassat stressimut inuttut aporfeqartoqartillugu teoriit
- Stressernermi inuttut aporfeqarnerullu kingunerani timikkut sunniutit suusinnaaneri
- Inuk ajornartorsiuteqartup oqaloqatiginerani nalunngisassat pingaarutillit
Kiisalu paasisimasaqarfiginerulersimasassat:
- Inuttut aporfartarnerup imarisinnaasai ingerlaasiilu
- Ingerlatitseqqinnissamut tunngasut
Peqataasut ilinniartitsinerminni stressimi inuttut aporfeqartoqartillugulu oqaloqatiginneriaatsit atornissaat ilikkarsimassavaat.
Piffissaq
Pikkorissarneq pissaaq ulluni 1. april 2025-mit 3. april 2025-mut.
Peqataasunut naatsorsuutit
Tunngaviusumik aporfiit & stressimut teoriit paasisaqarfiginissaat aamma sulinermut atatillugu.
(Soorlu peqqissaasut, annaassiniaasartut, inulerisut allallu,)
Peqataasinnaasut amerlassusaat: 12-16
Uppernarsaatit tunniunneqassapput.
Aningaasaqarneq
Pikkorissaanermut peqataanermi akiliut 15.000 kr. tassani atortussat pikkorissaanerullu nalaani nerisaqarneq ilaareerput.
Peqataasut sulisitsisuataluunniit isumagissavaa angalanerani ineqarneranilu aningaasartuutit.
Nuup avataani pikkorsissaatitsissagaanni qinnuteqartup ilitsersuisup angalanera ineqarneralu isumagissavai.
