Kalaallit Røde Korsiani ikiueqqaarnermi ilitsersuisunngorit
Kalaallit Røde Korsiat kisiartaalluni ikiueqqaarnermi pikkorissaanerit 1993-miilli ingerlatilerpaat.
Tassani atuakkanik inerisaaneq, naleqqussaaneq, ikiueqqaarnermi pikkorissaasinnaasunik ilinniartitsineq, pilersaarusiorneq ikiueqqaarnerlu illoqarfinni assigiinngitsuni ingerlattarpaat.
Ikiueqqaarnermi pikkorissaasinnaalernissamut ilinniarneq aningaasarsiuutigineqarsinnaasutut ilinniagaavoq
Ikiueqqaarnermi pikkorissaasartuussagaanni piumasaqaataavoq ukiut tallimakkaarlugit pikkorissaanermi peqataasarnissaq, tassani paasisat nutaat allallu atorunnaartut ilinniarneqartarmata.Ikiueqqaarnermi pikkorissaasartuussagaanni piumasaqaataavoq ukiut tallimakkaarlugit pikkorissaanermi peqataasarnissaq, tassani paasisat nutaat allallu atorunnaartut ilinniarneqartarmata.
Kalaallit Røde Korsianni ilitsersuisutut makku pissavatit: Nittartakkatigut isertaat, tassani ataavartumik paasissutissat assigiinngitsut pisassavatit soorlu:
- Paasisat nutaat
- Atuartitsissutit nutaat
- Ilitsersuisut allat eqqartueqatigisinnaallugit
- Ilinniaqqinnissamut neqeroorutit
Ilitsersuisutut ilinniarneq:
Ilitsersuisutut ilinniarnermi 80 tiimit atorneqartarput, tamannalu Nuummi ingerlanneqartarpoq.
Ilinniarneq naggaserneqartarpoq misilitsilluni, censoreqartarput avateersumik.
Misilitsiffissaq sioqquterujussuarlugu ilinniarnermi atugassat nassiunneqassapput, aamma allattariarsorluni suliassaq ilinniarnerup aallartinnginnerani tunniutereerneqartussaq nassiunneqassaaq. Akissutit amigaateqarpata ilinniarnissaq taamaatiinnarneqassaaq.
Naatsorsuutigineqartarpoq ilinniartussat tamarmik atuagarsornikkut timitaliinikkullu aallartinnginnerminni piareersarluarsimassasut. Ilinniarnermi sammisassat atortussallu nassiunneqarnikut paasilluarneqarsimanissat aamma naatsorsuutigisarparput.
Ilinniarnerup imaa:
- Ummammik puannillu annaassiniaaneq/ERC tunngavii malillugit
- Issittumi ikiueqqaarneq ABC-milu tunngaviit
- Ilinniartitsinermi pissuserisartagassanut tunngasut
- Timip sananeqaataanut tunngasunik ilinniarneq
- Ilitsersuisutut ilinniarneq
- Naggaserlugulu allattariarsornermik timitaliillunilu misilinermik
- Misilitsinnerit avataaneersumik censoreqassapput
Pikkorissaaneq
Pikkorissaasussatut ilinniarnissaq pilersaarutigineqarpoq 2022-imi uge 11+12 ingerlanneqassasoq.
Covid 19-illu persaqqusersuineratigut allanngortoqariataarsinnaalluni.
Covid 19-imik peqquteqartumik peqataangitsoornermi akiliutigineqarsimasut tamarmik uterinneqassapput.
Pikkorissarnermi atuagarsuutaasut kalaallisut qallunaatulluunniit pineqarsinnaapput.
Aningaasaqarneq:
Pikkorissaanermi peqataaneq akeqarpoq 25.000 kr.
Taannalu pikkorissaanerup aallartinnginnerani akilerneqariissaaq. Pikkorissarnissamut nalunaarneq pituttoqqasuuvoq.
Peqataanermi akiliummi atortussat, atuartitsineq, pikkorissarnerullu nalaani nerisaqarneq ilaareerput.
Peqataasut/sulisitsisup angalanermi, ineqarnermi ullormusiaqarnissamullu aningaasartuutissat nammineq isumagissavaat. Peqataasut ineqarnissaq nammineq isumagissavaat.
Peqataasussanut piumasaqaatit:
- 21-leereersimassaatit21-leereersimassaatit
- Ikiueqqaarnermi pikkorissarsimassaatit ukiut marluk iluanni (pikkorissarsimanermut uppernarsaat kakkiunneqassaaq)
- Inersimasunut ilinniartitsinermik misilittagaqarluni (perorsaaanermi ilinniarfimmi, ilinniartitsisoq, politi, mittarfeqarfinni allaniluunniit)
- Timikkut peqqissuunissaq, timitaliinissamut tunngasortaani naammassinnissinnaalluni.
