Kalaallit Røde Korsiani siulittaasoq nutaaq

5. Jun, 2020

Christina Tønder Bell ukiut sisamangajaat Kalaallit Røde Korsiani siulittaasooreerluni Kalaallit Nunaata avataani unammillernartunik nutaanik toqqaavoq. Taamaattumik siulittaasup tullia Nina Kreutzmann Jørgensen oktoberimi sinniisut ataatsimiinnissaata tungaanut siulittaasuungallassooq.

Christina Kalaallit Røde Korsianiinnermi nalaani annertuumik suliaqarsimavoq, ukkatarisimallugit kattuffiup inerisarneqarnissaa, aammalu peqatigiiffinnik allanillu suleqateqarneq nukittorsaaqataaffingisimallugu. Nukissaqarluarluni tunniusimallunilu periarfissarpassuit takusimavai, kajumissutsimillu sulinerup nukittorsarneqarnissaa salliutissimallugu. Piffissami tassani allaffeqarfiup inuusuttunut immikkoortortaqarfiata INUA suliaqarnini nukittorsarsimavaa aammalu kajumissutsimik sulisunut siunnersortitaarsimallutik, immikkoortortaqarfinnut tapersersuisussamik kajumissutsimillu sulisunut. Tamannalu isumaqarpoq immikkoortortaqarfiit nukittorsarneqarnerannik, sammisaqartitsinerillu ataavartumik inunnut pisariaqartitsisunut ingerlanneqarnerannik.

Christina Kalaallit Røde Korsiani sulisimanini pillugu oqarpoq: ”Immikkoortortaqarfinnik suleqateqarneq nuannaarutigisimaqaara, ilassilluarneqartarsimaqaanga aammalu isumassarsiffigilluartarlugit, kajuminneralu pittaasumik sunnerneqartarpoq immikkoortortaqarfiit tikissimatillugit. Aamma peqatigiiffinnik allanik suleqateqarneq nuannaarutigisimaqaara – nuannersumik misigisimanartarpoq 1+1=3-ngortarmat tassa ataatsimoorluta nukittuneruvugut. Oqariartaaseq ”ataatsimoorluta nukittuneruvugut” kattuffimmut Kalaallit Røde Korsianut tulluarluinnartuuvoq aammalu meeqqanut inuusuttunillu sullissisut peqatigiiffiannut”.

Christinallu nuannaarutigisimaqaa Kalaallit Røde Korsianiinnermini innuttaasut tapersersuilluartarnerat. Eqqaasinnaavagut Karrat kangerluanni tassaarsuartoqareernerani tapersersuisut aammalu ulluinnarni sammisaqartitsinerni sulianilu assigiinngittuni tapersersuisartut.

Maanna Nina siulittaasunngussooq. Kalaallit Røde Korsiani misilittangaqarluarpoq, siornatigut nuna tamakkerlugu Nuummilu immikkoortortaqarfimmi siulittaasup tulliatut sulisareersimavoq. Nina 2018-imi nuna tamakkerlugu siulittaasup tulliatut qiningaavoq.

Nina oqaluttuarpoq: ”Peroriartorpunga Røde Korsimiittarlunga, inuusuttuullunga anaananga atisanik immikkoortiterisoq ilangisarnikuuara. Røde Korsimiinneq sungiusimaqaara. 2014-imi namminersortunngorama aaliangerpunga atisanik immikkoortitserisunut ikiuuttarniarlunga. Nuanneqaaq taamatut piffissamik atuineq allanillu naapitaqarluni oqaloqateqartarneq. Taamaaleriarlunga aaliangerpunga Nuummi immikkoortortaqarfimmi siulersuisunut qiningassanngortinniarlunga siulittaasullu tulliatut qiningaariasaarpunga. Siulersuisuni issianeq pissarsiaqarnaqaaq pisullu allaanerusumik isingilernarlutik. Røde Korsip oqaluttuassartaa nunarsuarmilu suliai annertuut peqataarusussuseqarninnut peqqutaapput. Ataatsimoorluni qivitseqataanermut peqataalluni”.

Ninap Røde Korsip iluani siunissami suleqataanissani qilanaaraa. Immikkoortortaqarfiit atornikuerniarfeqarnikkut suliaat tupaallaatigisarpai, taamaattumik suleqatigiinnissaq sulianillu nutaanik pilersitsinissat aammalu INUA suleqatingalugu isummanik nutaanik nassaarsiornissaq qilanaarai. Kissaatingaalu suliffeqarfiit suleqatiginerat inerisarneqarlunilu nukittorsarneqarnissaa, neriuutingalugu suliffeqarfiit Røde Korsip suliaanut annertuumut peqataarusussasut. Periarfissaqarluarsoraalu ikiueqqaarnermi, tarnikkullu ikiueqqaarnermi piginnaanngorsaasoqarnissaa inuiaqatigiinnut.

Septemberi qaammat inuttatigut amigarpugut
Septemberi qaammat inuttatigut amigarpugut

Septemberi qaammat inuttatigut amigarpugut. Mailikkut KRK@KRK.gl saaffiginninnissannut tikilluaqqusaavutit naatsersuutigissavalli suliarineqarnissaa sivisusinnaassammat. Sapinngisamik qanittumi...

Atuaruk
TUSAGASSIUTINUT NALUNAARUT
TUSAGASSIUTINUT NALUNAARUT

Kalaallit Røde Korsiata Ukrainemi sorsunnermi eqqugaasunut nuna tamakkerlugu katersuiniarnera Ukrainemi sakkutuut atorlugit sorsunnertalimmik tiguaaniarnerup kinguneraa inuit millionilikkaat...

Atuaruk

Bliv frivillig

Bliv medlem

Vælg mellem: