Kalaallit Røde Korsianni Nuna tamakkerlugu siulersuisut nutaat

9. Nov, 2020

Kalaallit Røde Korsiat ataatsimeersuaqqammerpoq. Angalanermut malittarisassat massakkumut atuuttut pissutigalugit naapinneq allatut piviusunngortinneqarpoq, taamaalillutillu kajumissutsimik sulisugut sinerissamiittut Zoommikkut naapipput.

Ataatsimeersuarnermi peqatigiiffiup ukkiunut marlunnut anguniagassai eqqartorneqarput aalajangiunneqarlutillu. Sinaakkutit eqqartorneqartut tassaapput nuna tamakkerlugu siulersuisut illoqarfikkaartumillu immikkoortortaqarfiit sinaakkutissaat. Nuannaarutigeqaarpullu amerlasuut peqataammata. Kalaallit Røde Korsiannit aallartitat illoqarfinnit ukunaneerput: Ilulissat, Aasiaat, Sisimiut, Maniitsoq, Nuuk Tasiilarlu.

Dansk Røde Korsimi præsidenti Sven Bak-Jensen aamma Zoommikkut peqataavoq saqqummiinerminilu Røde Korsip pisariaqartitsisoqarnerani ikiuuttarnera erseqqissarlugu. Nunarsuup taamatut ineriartornerani pisariaqarpoq inuit pisariaqartitsisut ikiorneqartarnissaat.

Sven Bak- Jensenip eqqartugaasa ilagaat Røde Korsip allanik suleqateqartarnerata pingaaruteqassusaa. Røde Korsip inuiaqatigiinni ajornartorsiutit peqatigiiffiit suliffeqarfiillu allat suleqatigalugit aningorniarsinnaavaat, kisimiilluni suliarineqarsinnaannginnamik. Tamannalu nunatsinni sulinitsinnut sulisarnitsinnut naleqqulluinnarpoq. Massakkummi Kalaallit Røde Korsiata Kommuunit, Naalakkersuisoqarfiit, peqatigiiffiit allat suliffeqarfiillu innuttaasunut susassaqartitsisarnermi suleqatigisareerpai.

Ataatsimeersuarnermi nutaamik siulittaasumik toqqaasoqarpoq, ilaasortallu allat marluk nutaat. Siulittaasunngortuuvoq Nuummi Røde Korsip immikkoortortaqarfiani siulittaasuunikoq Mia Rosing Nielsson, taarserlugu Nina Kreutzmann Jørgensen.

Mia oqaluttuarpoq: ”Kalaallit Røde Korsianni kajumissutsimik sulinera aallartippoq Nuup atornikuerniarfiani, Aase Nygaard atornikuerniarfimmi aqutsisuujunnarmat paarlappara. Ukiorlu taanna Nuup immikkoortortaqarfiani siulersuisunut ilanngullunga, ukioq ataaseq affarlu massakkut immikkoortortaqarfimmi siulittaasooreerpunga.”

Pissanganartorujussuuvoq suliniaqatigiiffimmi Røde Korsimi suleqataalluni, nunarsuaq tamakkerlugumi inunnik ikiuiniaqatigiinni ilaavugut. Tulluusimaarutigisarpara Nunatsinni aningaasatigut namminersortumik Røde Korsimi immikkoortortaqarfeqaratta, kajumissutsimik sulisut pikkorissut piumassuseqarluartullu peqatigalugit. Qilanaaqaanga nuna tamakkerlugu siulersuisut nutaat, immikkoortortaqarfiit allallu Rode Korsimut tapersersersuisut suleqatigilernissaannut.

Nuna tamakkerlugu siulersuisut nutaat naapinnissaq siulleq pilersaarusioreerpaat suliamillu aallartinnissaannut qilanaarlutik.

Den nye landsbestyrelse består nu af:

Nuna tamakkerlgu siulersuisut: Nuna tamakkerlugu siulersuisoq Mia Rosing Nilsson, Nuuk. Siulittaasup tullia: Nina Kreutzmann Jørgensen, Nuuk. Aningaaserisoq Kunuunguaq Olsen, Maniitsoq, Siulersuisuni ilaasortat: Camilla Laudrup, Nuuk aamma Mette Scharling Laursen, Maniitsoq. Sinniisut: Jens Peter Møller, Sisimiut aamma Lisbeth Kreutzmann Petersen, Maniitsoq

Tarnikkut ikiueqqaarnermi pikkorissaanerit
Tarnikkut ikiueqqaarnermi pikkorissaanerit

KRK maannakkorpiaq tarnikkut ikiueqqaarnermi pikkorissartitsinerit neqeroorutigisinnaanngikkallarpai najoqqutassat maleruangassallu nutarterneqaramik.Tarnikkut ikiueqqaarnermut pikkorissartitsinerit...

Atuaruk
TUSAGASSIUTINUT NALUNAARUT
TUSAGASSIUTINUT NALUNAARUT

Kalaallit Røde Korsiata Ukrainemi sorsunnermi eqqugaasunut nuna tamakkerlugu katersuiniarnera Ukrainemi sakkutuut atorlugit sorsunnertalimmik tiguaaniarnerup kinguneraa inuit millionilikkaat...

Atuaruk

Bliv frivillig

Bliv medlem

Vælg mellem: